بشرة خير قبل العيد.. تراجع كبير في أسعار الدواجن والبيض.. إيه سر الانخفاض ده؟

انخفاض 15 جنيه مرة واحدة.. ايه سر أسعار الفراخ.. أسعار الفراخ والبيض النهاردة بدأت تنزل تدريجياً بعد الموجة العالية اللي كانت في أول رمضان.

التراجع ده سببه إن المعروض من المزارع زاد والقوة الشرائية بدأت تتوازن في السوق المحلي..

الفراخ البيضاء سجلت في المزرعة ٨٥ جنيه عشان توصل للمستهلك بين ٩٥ و١٠٥ جنيه بفرق كبير عن ذروة رمضان اللي وصلت فيها لـ ١٢٠ جنيه.

حتى الفراخ الساسو والبيض نزلوا بشكل ملحوظ.. والسبب إن إنتاج الكتاكيت زاد لـ ٧ مليون كتكوت يومياً مع استقرار أسعار الأعلاف.. يعني مفيش نقص في أي حاجة أساسية.

طيب والأسعار ليه نزلت وهل الفراخ ديه سليمة؟

المسؤولين بياكدوا أن السبب إن الفراخ والبيض متوفرين وبكثرة ومفيش أي داعي لاي قلق.

ووضحوا أن الزيادة اللي كانت بتحصل أحياناً بتبقى بسبب الحلقات الوسيطة وجشع بعض التجار.

وعشان كدة النصيحة الأهم هي البديل الأقوى.. اعتمدوا على منافذ الدولة زي كلنا واحد وأهلاً رمضان والخدمة الوطنية لأن السلع فيها بأسعار تنافسية وموجودة في كل حتة.