5 حالات يحق فيها لموظف القطاع الخاص الحصول على مكافأة مالية
لو شغال في القطاع الخاص القانون الجديد رقم 14 لسنة 2025 مديلك حق في 5 مكافآت مالية في حالات معينة.
أولا: مكافأة التدرج.. لو كنت عامل متدرج أو بعقد تدريبي، ليك مكافأة بتزيد تدريجيًا لحد ما توصل للحد الأدنى للأجر في آخر مرحلة.
ثانيًا: مكافأة بعد سن الـ60.. لو كملت شغل بعد الستين وماخدتش حقوق تأمينية عن الفترة دي، تستحق نص شهر عن كل سنة في أول 5 سنين، وشهر كامل عن كل سنة بعد كده.
ثالثًا: مكافأة إنهاء عقد محدد المدة.. لو عقدك كان محدد المدة وصاحب الشغل أنهاه قبل ميعاده، وكنت شغال أكتر من 5 سنين، تاخد أجر شهر عن كل سنة خدمة.
رابعًا: مكافأة إنهاء العقد لأسباب اقتصادية.. لو الشركة أنهت عقدك بسبب ظروف اقتصادية، تاخد أجر شهر عن كل سنة في أول 5 سنين، وشهر ونص عن كل سنة بعدهم.
خامسًا: مكافأة نهاية الخدمة.. لو عقدك أو لائحة الشركة بتنص على مكافأة نهاية خدمة، تبقى حق قانوني ليك ومحدش يقدر يمنعه.. اعرف حقوقك كويس لأن القانون واقف في ضهرك.
