هتشتري عربية زيرو آخر موديل.. الحق عروض 2026
الأربعاء 28/يناير/2026 - 08:43 م
لو ناوي تشتري عربية زيرو في 2026 وميزانيتك أقل من 900 ألف جنيه، متقلقش الخبر الحلو إن الاختيارات لسه موجودة ومش قليلة.
أبرز الاختيارات بتبدأ بنيسان صني 2026 اللي سعرها من 645 ألف جنيه وبتوصل ل745 ألف حسب الفئة، بمحرك 1500 سي سي مناسب للاستخدام اليومي.
كمان فيه رينو تاليانت 2026 ودي داخلة بقوة بسعر يبدأ من 675 ألف جنيه بمحرك تربو اقتصادي.. ومعاهم بايك U5 Plus بأسعار من 725 ل855 ألف جنيه، وشيفروليه أوبترا المجمعة محليًا من 725 ألف لحد 750 ألف جنيه، وكلهم في نطاق السعر اللي ناس كتير بتدور عليه.
ولو بتفكر في تجهيزات أعلى شوية وقوة أكبر، عندم جيلي إيمجراند المجمعة محليًا بتبدأ من 789 ألف جنيه وبتوصل لـ889 ألف، بمحرك أقوى واستهلاك وقود أقل.. يعني في 2026 لسه تقدر تجيب عربية سيدان زيرو محترمة بسعر معقول.
