12 شهر.. لغز يحير في قانون الإيجار القديم

ناس كتير فاكرة ان شقق الايجار القديم مالهاش حل.. وده كلام مش دقيق لان القانون حدد حالات واضحة المالك فيها يقدر يسترد وحدته من غير تعب.

اول حالة ودي ناس كتير بتقع فيها ان الشقة تفضل مقفولة اكتر من سنة من غير سبب واضح ساعتها الاخلاء بيكون واجب بالقانون.

تاني حالة لو المستأجر او اللي العقد امتد له عنده شقة تانية صالحة لنفس الغرض سواء سكني او تجاري هنا برضه القانون بيقول الاخلاء فور تحقق الحالة.

المهم تعرف ان من حق المستأجر يرفع دعوى لكن رفعها مش بيوقف تنفيذ قرار الطرد.

وفي حالات تانية نص عليها القانون بشكل صريح زي لو العقار آيل للسقوط او محتاج هدم او ترميم كبير يستلزم الاخلاء.

كمان التأخير في سداد الايجار بعد انذار رسمي لمدة 15 يوم لو اتكرر المحكمة من حقها تحكم بالطرد.

واخر حالة استعمال الشقة بشكل يضر السلامة او الصحة او الاداب العامة بس بشرط حكم نهائي.

يعني الايجار القديم مش مطلق والقانون حاطط حالات واضحة ترجع فيها الشقة لمالكها.