30 يوما تنهي الجدل.. إلغاء قانون الإيجار القديم في هذا التوقيت
ملف الايجار القديم دخل مرحلة جديدة بعد ما محامين ومستأجرين قدموا مئات الطعون قدام الجهات القضائية.
عدد الطعون وصل لحد دلوقتي 361 طعن للمطالبة بالغاء قانون الايجار القديم رقم 164 لسنة 2025 اللي دخل حيز التنفيذ بالفعل.. القانون بينص على انتهاء عقود السكن بعد 7 سنين وغير السكن بعد 5 سنين الا لو الطرفين اتفقوا.
وكمان زيادة الايجارات بنسب كبيرة بتوصل لحد 20 ضعف في المناطق المميزة و10 اضعاف في المناطق المتوسطة والاقتصادية مع حد ادنى من 250 لحد 1000 جنيه.
التقديرات الرسمية بتقول ان القانون بيأثر على حوالي 3 ملايين وحدة و اكتر من 6 ملايين مستأجر اغلبهم في القاهرة والجيزة والاسكندرية.. وده فتح باب قلق كبير من زيادة الضغط المعيشي وارتفاع تكلفة السكن على فئات واسعة.
اول الطعون اتقدمت قدام مجلس الدولة.. المحامي ايمن عصام قدم اكتر من 250 طعن غير 90 سابقين وطالب بوقف التنفيذ واحالة القانون للمحكمة الدستورية بسبب شبهات مخالفة دستورية.
وفي تطور جديد محكمة القضاء الاداري حددت جلسة 21 فبراير 2026 للفصل في طعن على قرار رئيس الوزراء الخاص بلجان الحصر والتصنيف.. الطعن بيقول ان اللجان ليها سلطات واسعة من غير رقابة وده ممكن يفتح باب قرارات غير عادلة.
