لازم تلحق.. الفرصة الاخيرة للتصالح في مخالفات البناء

ملف التصالح في مخالفات البناء دخل مرحلة الحسم.. الحكومة أكدت ان باب التصالح هيقفل نهائي بعد 5 مايو 2026.. وده آخر موعد قدام كل المخالفين لتقنين اوضاعهم وتفادي الاجراءات القانونية.

المهلة الحالية بدأت من 5 نوفمبر 2025 ومدتها 6 شهور وفقا لقانون التصالح رقم 187 لسنة 2023.

التصالح ليه ضوابط واضحة اهمها ان المخالفة ما تمسش الامن القومي ولا حقوق الجيران.

وفيه رسوم فحص بتبدأ من 500 جنيه وتوصل لـ5000 جنيه حسب مساحة المخالفة.. وكمان لازم ملف كامل بمستندات ورسومات هندسية وتقرير سلامة إنشائية.

اللي هيتأخر عن التقديم هيفقد حق التصالح نهائي.. وبعد 5 مايو 2026 القانون.. هيتطبق بحسم ومن غير استثناءات.