وحش جديد جاي.. تويوتا تكشف عن GR GT الخارقة بقوة 650 حصان
تويوتا فاجأت الكل بكشفها عن عربية جديدة اسمها GR GT.. دي عربية اختبارية بتوضح رؤية تويوتا للمستقبل في عالم العربيات الرياضية الخارقة.
العربية دي بتنتمي لعائلة السوبر كار بوضوح، وبتيجي بموتور هجين بيجمع بين محرك بنزين 4 لترات توين تيربو ومحرك كهربائي، وده بيديها قوة إجمالية حوالي 650 حصان وعزم دوران 850 نيوتن متر. يعني أرقام تحطها مع أقوى العربيات في العالم.
تويوتا جهزت العربية بفتيس أوتوماتيك 8 سرعات، والسرعة القصوى بتاعتها هتعدي 320 كيلومتر في الساعة.
كمان، الهيكل بتاعها خفيف ومتصنع من الألومنيوم وألياف الكربون، ده غير فرامل السيراميك وإطارات ميشلان الرياضية.
تصميم العربية جاي بخطوط حادة وانسيابية بتديها شكل رياضي هجومي، وطولها 4.82 متر وعرضها مترين، يعني ليها حضور قوي ومميز على الطريق.
إيه رأيكم في الخطوة الجديدة دي من تويوتا؟ وهل ممكن نشوفها بتنافس بقوة في سوق السوبر كار؟
