العد التنازلي بدأ.. 13 يناير آخر فرصة للتقديم على سكن بديل الإيجار القديم
الثلاثاء 23/ديسمبر/2025 - 05:00 ص
لو انت من مستأجري الإيجار القديم، خد بالك.. فاضل أيام قليلة بس والفرصة هتروح عليك!
مي عبد الحميد رئيس صندوق الإسكان الاجتماعي أعلنت إن أكتر من 50 ألف مواطن سجلوا على منصة السكن البديل، ولسه حوالي 140 ألف استمارة محتاجة تستكمل بياناتها.
وخليني أقولك إن التقديم الحالي هينتهي رسميا يوم 13 يناير، ودي مهلة الـ3 شهور اللي بدأت من أكتوبر.
صحيح ممكن يكون في مد، بس الأفضل ما تستناش.
وانت في مكانك هتقدر تقدم.. لأن في كول سنتر للرد على كل الأسئلة، وكمان مكاتب البريد هتساعد اللي مش بيعرف يتعامل أونلاين.
الحق قدم قبل ما الوقت يخلص.
