التموين هيبقى فلوس.. الحكومة تكشف موعد التحول للدعم النقدي
السبت 20/ديسمبر/2025 - 06:00 ص
مافيش تموين تاني الدعم هيبقى فلوس.. الدعم التمويني اللي متعودين عليه سكر وزيت وسلع خلاص قرب يتوقف.
دلوقتي الحكومة بتقفل صفحة وبتفتح واحدة جديدة خالص.. وحسب ما اعلن مصطفى مدبولي رئيس الوزراء الأسبوع اللي جاي هيتم وضع اللمسات الأخيرة للتحول من الدعم العيني للدعم النقدي.
يعني بدل دعم سلع هتكون فلوس مباشرة في ايد المواطن.
مدبولي بيأكد إن الملف ده حساس جدا وإن الدولة مش هتاخد ولا خطوة غير وهي مطمنة 100% إن مفيش مواطن هيتضرر.
الكل متفق إن الفكرة في حد ذاتها كويسة.. لكن التحدي الحقيقي في التنفيذ الصح.. عشان الدعم يوصل للي يستحقه فعلا.. ومن غير لخبطة ولا قلق.
الرسالة واضحة مفيش استعجال ومفيش مخاطرة وكل حاجة هتتطبق بس لما الدولة تتأكد إن الأرض جاهزة للتغيير الكبير ده.
