الصدمة الخفية في العربيات الكهرباء.. محدش هيقولك عليها

اشتريت عربية كهربا عشان توفر فلوس البنزين؟ استعد عشان هتدفع اللي وفرته ده كله في التأمين! ناس كتير بتشتكي إن تأمين العربية الكهرباء كبير اوي.

يعني ممكن يوصل لـ 6000 و 7500 درهم في السنة. طب ليه؟ أولاً، البطارية، دي أغلى حتة في العربية، وأي خبطة لا قدر الله ممكن تبوظها، وتصليحها أو تغييرها بيكلف ثروة.

ثانياً، التصليح، مش أي صنايعي بيفهم فيها، محتاجة متخصصين وورش معينة، وده بيخلي تكلفتها أعلى بكتير من العربيات العادية.

ثالثاً، قطع الغيار، فيه ماركات ملهاش وكيل رسمي، فبيضطروا يستوردوا قطع الغيار من بره، وده بياخد وقت وفلوس.. باختصار، شركات التأمين شايفاها عربية خطرها عالي، فبتغلّي سعرها.