الفراخ البلدي بقت أرخص من المستوردة؟.. الحكاية ورا الانخفاض الكبير
كلنا عارفين إن الفراخ المستوردة أغلى من البلدي .. صح؟!.. بس دلوقتي الموضوع اتقلب خالص!
الأسعار في السوق نزلت جامد جدًا، والفراخ المحلية بقت أرخص من المستوردة بأكتر من 40%!
اللي حصل إن الأعلاف اتوفرت، والجنيه اتحسن قدام الدولار، فالمزارع رجعت تنتج زي الأول وأكتر.. ولما الإنتاج بقى كبير، السعر نزل لوحده.
دلوقتي كيلو الفراخ الحي في المزارع في حدود الستينات.. وف نفس الوقت المستورد المجمد في المجمعات وصل حوالي 130 جنيه.. بس بالرغم من إن المستهلك كسب، المربي خسر!
لإن في أوقات كتير السعر اللي بيبيع بيه أقل من تكلفة الإنتاج نفسها، وده ممكن يهدد الصناعة كلها.
عشان كده الخبراء بيطالبوا بوقف استيراد الدواجن المجمدة مؤقتًا، لأن السوق أصلاً فيه فائض محلي أكتر من 20%.
وكمان لازم التموين تسحب جزء من الفائض وتخزنه للمواسم، عشان المربي يكمل، والسعر مايرجعش يولع تاني!
