زيادة الإيجار القديم في الجيزة تشعل الجدل.. الزيادة الجديدة وصلت لـ1000 جنيه

الناس في الجيزة اليومين دول مش بيتكلموا غير عن حاجة واحدة: زيادة الإيجار القديم! القرار الجديد قلب الدنيا، خصوصًا لما عرفوا إن الإيجارات هتزيد بشكل كبير

في المناطق المميزة، الإيجار هيبقى 20 ضعف القيمة القديمة، يعني الحد الأدنى 1000 جنيه في الشهر! أما المناطق المتوسطة فـ 10 أضعاف، والإيجار يبدأ من 400 جنيه.. وفي المناطق الاقتصادية الحد الأدنى هيكون 250 جنيه شهريا.

الناس اتقسمت نصين، ناس شايفة إن القرار منطقي بعد سنين من الإيجارات الرمزية، وناس تانية بتسأل: "الناس دي هتجيب منين؟" بس الأكيد إن الجيزة فيها جدل كبير، والكل مستني يشوف التنفيذ هيكون إزاي.