اقتراح سميح ساويرس لضبط مرتبات الموظفين: "اللي مالوش شغل يقعد في البيت"
الأربعاء 29/أكتوبر/2025 - 04:23 ص
رجل الأعمال سميح ساويرس فاجئ الناس بتصريح جريء عن أزمة المرتبات في مصر.
قال إن حماية العامل دي مسؤولية الدولة مش رجال الأعمال، وإن لازم يكون فيه قوانين واضحة تنظم العلاقة بين الحكومة والقطاع الخاص.
وقال كمان إن أصل المشكلة في ضعف الأجور راجع لموظفي الحكومة، لأن أي رفع للمرتبات هيخليهم لازم ياخدوا زيهم، وده صعب جدًا عشان عددهم كبير.
وعشان كده، اقترح حل جريء ومثير للجدل: "اللي مالوش دور فعلي في شغله، ياخد إعانة بطالة ويقعد في البيت، بدل ما الدولة تفضل تصرف مرتبات من غير إنتاج حقيقي!".
تصريحه فتح نقاش كبير بين الناس، فيه اللي شايفه بيقول الحقيقة بصراحة، وفيه اللي شايف إن الحل ده قاسي ومش واقعي.
