هيعدي 7750 جنيه.. نجيب ساويرس يتنبأ بطفرة في أسعار الذهب
الأحد 26/أكتوبر/2025 - 04:00 ص
الدهب شكله لسه ما قالش آخر كلمته.. وده عشان رجل الأعمال نجيب ساويرس خرج بتصريح جديد بيقول فيه إن سعر الدهب ممكن يوصل لمستويات قياسية خلال سنة أو سنتين!
وتحديدًا.. ممكن يلامس 5 آلاف دولار للأوقية.
يعني لو ده حصل فعلًا، و الجنيه المصري فضل بنفس قيمته الحالية، فـ جرام الدهب عيار 24 ممكن يوصل لـ 7750 جنيه!
واللي بيخلي كلام ساويرس ياخد شكل جدي والناس تصدقه إن توقعاته قبل كده كانت دايمًا بتتحقق! زي لما قال إن الدهب هيعدي 6 آلاف جنيه.. وفعلاً حصل.
واضح إن اللي شايف المستقبل دلوقتي مش المنجمين .. ده نجيب ساويرس نفسه!
