معركة ترامب الكبرى.. إزاي بتأثر على مصر وإيه أكتر سلع هتتضرر منها
يا ترى ليه الحرب التجارية بين أمريكا والصين بتأثر علينا بشكل كبير ؟ وايه أكتر سلع بتتأثر بللي بيحصل بين بكين وواشنطن ؟ وإزاي مصر بتأمين احتياجاتها الأسسية تحسبا لأى قلق ممكن يحصل فى العالم؟
الحقيقة إن اللي حاصل بين واشنطن وبكين مش مجرد خناق دبلوماسي على طاولة مفاوضات… دي حرب نزيف أعصاب على كل حاجة: تكنولوجيا، شحن، دولار، معادن نادرة، شرائح كمبيوتر، سلاسل توريد متشابكة بتغذي نص الصناعة في الكوكب… وللأسف أي قلق هناك بيوصل لجيوبنا هنا.
طب ليه ده بيحصل؟
لأن الصين هي مصنع العالم، وأمريكا هي ممول العالم. كل قرار من واحد فيهم بيهز الطرف التاني.. والاتنين سوا بيهزوا السوق كله، وإحنا جزء من المنظومة. لما أمريكا تمنع تصدير تكنولوجيا الشرائح للصين تكلفة الموبايلات والأجهزة تعلى عالميًا.. ولما الصين تفرض قيود على معادن نادرة زي الجاليوم والجرمانيوم اللي بتدخل في كل حاجة إلكترونية العالم كله بيتلخبط ولما الشحن يتأخر أو يتحمل رسوم أو تأمين أعلى السعر النهائي على المنتجات في مصر بيرتفع.
طيب إيه أكتر سلع عندنا في مصر بتتأثر مباشرة؟
رقم واحد الإلكترونيات (موبايلات / لابتوبات / شاشات) أغلبها تصنيع صيني ومكونات أمريكية.
رقم اتنين مستلزمات المصانع (ماتريالز / ماكينات / قطع غيار) كتير منها جاي من الصين.
كمان المعادن الصناعية والرقائق والمعالجات للى بتدخل في سيارات كهربا، بطاريات، عتاد طبي، أنظمة دفع… أي منع أو حظر يرفع التكلفة.. بالاضافة كمان للملابس والسلع الاستهلاكية الصين أكبر مورد لرينج السعر الرخيص اللي السوق معتمد عليه.
طب إحنا في مصر بنعمل إيه لتأمين احتياجاتنا؟
في خطوات بتحصل على الأرض حاليًا زي تنويع مصادر الاستيراد: الهند — تركيا — فيتنام — البرازيل… الفكرة متبقاش رهينة طرف واحد.. مع تعميق الصناعة المحلية في سلاسل معينة زي مكونات الأجهزة والتعبئة والدواء والكيماويات. حتى لو مش تصنيع كامل بس تقليل التعرض للمخاطر.. و اتفاقيات تبادل بالعملات المحلية مع بعض الدول لتقليل ضغط الدولار وقت الأزمات العالمية.
لالاضفة لتأمين مخزون استراتيجي من سلع حساسة (قمح — زيت — طاقة — مستلزمات دواء) مع التحول لموانئ بديلة وممرات شحن جديدة لتقليل تأثير أي اختناق في جغرافيا الشحن.
