13 مليار دولار في 3 سنين.. اقتصادية قناة السويس نقطة جذب للاستثمارات العالمية
عملت 13 مليار دولار في تلات سنين بس.. المتحدث باسم رئاسة الوزراء طلع يكشف رقم مهم اوي حصدته المنطقة الاقتصادية لقناة السويس.
وقال إن رئيس الوزراء اجتمع مع رئيس المنطقة الاقتصادية لقناة السويس والهدف واضح وصريح وهو جذب الاستثمارات الأجنبية.. والنتيجة!.. المنطقة حققت خلال 4 شهور بس فائض في قائمة الدخل أكتر من 200 %.. مقارنة بنفس الفترة اللي فاتت وده رقم كبير بيأكد إن الشغل ماشي صح.
كمان خلال ال3 سنين اللي فاتوا التعاقدات الاستثمارية وصلت لحوالي 13 مليار دولار من خلال 380 مشروع استثماري متنوع.
والمبهر بجد إن الاستثمارات جاية من دول أوروبية وكمان شركات صينية والتركيز الأكبر دلوقتي على مشروعات الطاقة الجديدة والمتجددة وتصنيع مكونات محطات الطاقة الشمسية علشان توطين الصناعة ودعم توجه الدولة للتوسع في الطاقة النظيفة.. أرقام بتقول إن المنطقة الاقتصادية لقناة السويس بقت نقطة جذب حقيقية للاستثمار العالمي.
