إعفاء 70%.. تسهيلات جديدة لسداد متأخرات الإسكان

لو أخدت شقة إسكان اجتماعي.. وعليك متأخرات لوحدة سكنية او محل او جراج تابعين لصندوق تمويل الاجتماعي..
يبقى المعلومة ده تهمك...  وزارة الإسكان أعلنت عن حزمة تسهيلات جديدة علشان تخفف العبء عن المواطنين وتساعدهم يصححوا أوضاعهم. 

التسهيلات بتشمل إعفاء 70% من غرامات التأخير لو سددت كل المتأخرات، وإعفاء 50% لو سددت نص المبلغ.. وكمان فيه إعفاء إضافي 10% لو السداد تم خلال شهر ديسمبر..

التيسيرات دي سارية على وحدات عليها قضايا او أحكام ابتدائية بشرط سداد كامل المبلغ والمصاريف، ومش هتطبق على الوحدات اللي عليها أحكام نهائية... والتقديم متاح لحد 28 فبراير 2026.