الفضة قلبت الموازين.. ارتفاع تاريخي لأول مرة من سنين.. تنافس الذهب!
الإثنين 13/أكتوبر/2025 - 04:30 ص
الدهب مش لوحده اللي طاير في السما.. الفضة كمان دخلت السباق وحققت قفزة تاريخية لأول مرة من أكتر من 30 سنة.
سعر أوقية الفضة عدى 50 دولار، وده رقم ما حصلش من سنة 1993.
يعني في يوم واحد بس، ارتفعت بنسبة أكتر من 3%.
الخبراء بيقولوا إن اللي بيحصل ده "تأثير تعويضي" بعد الصعود الجنوني للدهب،
لكن في ناس تانية شايفة إن الفضة بقت الاستثمار اللي يستاهل دلوقتي، خصوصًا إنها مش بس معدن ثمين .. دي كمان بتدخل في صناعات ضخمة زي التكنولوجيا والطاقة الشمسية.
وفي وقت الناس بتخاف فيه من التوترات الاقتصادية والسياسية، الكل بيجري ناحية الأصول الآمنة زي الدهب، الفضة، والبيتكوين، بس المرة دي .. الفضة خطفت الأضواء.
