6 كيلو سكر على بطاقة التموين.. مفاجأة من التموين لهذه الفئات
الجمعة 10/أكتوبر/2025 - 05:30 ص
6 كيلو سكر على بطاقة التموين ممكن تاخدها كل شهر لو كنت من الفئة اللي هنقولك عليها.
التموين دلوقتي بتصرف سكر على بطاقة التموين لكل فرد والكيلو هيكون بسعر ١٢ جنيه و60 قرش والحد الأقصى للبطاقة كلها ٦ كيلو يعني لو البطاقة فيها فردين بياخدوا ٢ كيلو ولو ٣ أفراد بياخدوا ٣ كيلو.. لكن لو البطاقة بتاعتك فيها 6 أفراد أو أكتر هتاخد ٦ كيلو
وده ضمن مقررات أكتوبر اللي بدأت الوزارة تصرفها من بداية الشهر.
المقررات دي فيها كمان سلع تانية زي الزيت والسمنة والمكرونة والشاي وكل ده بيتصرف على حسب الدعم المخصص لكل مواطن مقيد على البطاقة.
يعني انت بتروح لمكان الصرف بتاعك وتاخد حقك على حسب عدد الأفراد والسلع المتاحة والدنيا ماشية طبيعي ومفيش أي مشاكل في الصرف والكلام ده في كل المنافذ المعتمدة.
