774 أجنبي شغال في مؤسسات وشركات الحكومة.. بيعملوا إيه؟
تفتكروا.. الحكومة المصرية مشغّلة كام أجنبي عندها؟.. تخيل الرقم 774 أجنبي شغّالين في القطاع الحكومي وقطاع الأعمال العام سنة 2024.. بس المثير للانتباه إن العدد ده قل حوالي 21% عن السنة اللي قبلها.
الغالبية العظمى رجالة.. 721 مقابل 53 ستات بس، وأكتر جنسيات شغالة؟ الأوروبيين.. 315 واحد، وبعدهم الآسيويين غير العرب بـ 155، وأقلهم من أستراليا ونيوزيلندا.. 16 بس!
طب إيه المؤهلات؟
نصهم تقريبًا معاهم شهادات جامعية.. 386 واحد، وكمان فيه 221 معاهم شهادات أعلى من الجامعي.
أما بالنسبة للوظايف.. فـ أغلبهم أخصائيين وأصحاب مهن علمية.. 504 أجنبي، بعدهم المدراء وكبار المسؤولين بـ 112، والباقي فنيين ومساعدين.
أكتر جهة بتستعين بالأجانب؟ الهيئات العامة بـ 325 أجنبي، وبعدها القطاع العام والأعمال العام بـ 270.والملفت
كمان إن 80% تقريبًا جدّدوا عقودهم، بينما 20% بس متعاقدين لأول مرة.
