120 ألف ميجاوات جديدة من طاقات الشمس والرياح، شوف الحكومة هتستغنى عن واردات الغاز الطبيعي ازاي
في 120 الف ميجاوات جديدة هتدخل علي الشبكة الموحدة للكهرباء خلال وقت قصير قوي.. وهتكون سبب مباشر في خطة الدولة لوقف إستيراد الغاز الطبيعي من الخارج .. ياتري اية حقيقة الكلام ده.. ومين هتيجي الطاقة دي كلها.
الدولة حاليا عندها خطة لزيادة توفير التغذية الكهربائية لكل المشروعات في مصر، خصوصا في ظل النهضة العمرانية والزراعية والاقتصادية والصناعية اللي بتقوم بيها حاليا، واللي طبعا العصب الاساسي في استمرارها هيا الكهرباء ولو مفيش كهرباء كل المشروعات اللي الدولة استهدفتها هتصفي في وقت قصير قوي.
خطة مصر للوصول بالصادرات المصرية لـ 140 مليار دولار، قائمة بشكل أساسي علي الطاقة، ده ببساطه لأنها المحرك الأساسي الاول لقطاع الصناعة كله، خصوصا أن مفيش مستثمر هيدخل دولة ينبي مشروع يكلفه ملايين الدولارات وفي الاخر يفشل أو يقف بسبب انخفاض الطاقة.
طيب اية اللي بتعمله مصر علشان تأمن الطاقة اللازمة للمشروعات التنموية في مصر ؟.
الحكومة في الوقت الحالي بتعمل من الا شئ لحاجة كبيرة جدا، وفي الوقت الحالي الهواء والشمس هما أهم عاملين في خطة مصر لتأمين الطاقة للمشروعات، ومن الهدف ده الحكومة خطت الاستراتيجية الوطنية للطاقة واللي بتستهدف الوصول بالاستهلاك المحلي للطاقة لنسبة 42% من الطاقات المتجددة في 2030، ومستهدف زيادتها الي 120 الف ميجاوات في 2040.
القدرات الكهربائية الجديدة اللي الدولة هتضيفها من مصادر الطاقة المتجددة هتكون لها هدف أساسي هو خفض الانبعاثات الكربونية وتقليل الاعتماد على الوقود الأحفوري باكثر من 19 ألف ميجاوات، والتوجه ده جاي في إطار خطة الدولة للتحول الي الاخضر والتوسع في استخدامات الطاقة المتجددة.
خلال الشهور اللي جاية مصر هيكون عندها إنتاج هاجل من الكهرباء اللي هيكفي النقص المحلي وكمان هيكون عندنا فائض للتصدير واللي هتبيعه مصر الي الدول المجاورة عن طريق خطوط الربط الكهربائي اللي موجودة حاليا بين مصر وعدد كبير من الدول في افريقيا زي ليبيا والسودان وفي اسيا في مشروع الربط الكهربائي المصري السعودي وفي أوروبا في مشروع الربط الكهربائي بين مصر واليونان وقبرص.
طيب إزاي مصر هتوصل لتحقيق 120 الف ميجاوات من الطاقات المتجددة علي الشبكة الموحدة للكهرباء ؟.
في الفترة اللي فاتت الحكومة استهدفت تعديل التشريعات وإصدار قانون الطاقة، واللي قائم علي تعظيم دور مشاركة القطاع الخاص في إنتاج الطاقة من المصادر المتجددة، وخلي خلي كبري الشركات العالمية والمحلية تدخل مصر وتعمل مشروعات لها لإنتاج الكهرباء من طاقتي الرياح والشمس، وكانت البداية بإضافة ما يقرب من 2500 ميجاوات طاقات متجددة من الشمس والرياح موجودين حاليا علي الشبكة الموحدة للكهرباء وبيدخلوا في الاستخدام المحلي.
الطاقات الجديدة اللي هتدخلها الدولة علي الشبكة هتكون مقسمة ما بين 2241 ميجاوات من مشروعات الطاقة الشمسية، و 300 ميجاوات ساعة بطاريات تخزين، 1300 ميجاوات من طاقة الرياح، و2000 ميجاوات من الطاقة الشمسية، و 800 ميجاوات ساعة بطاريات تخزين.
