تكافل وكرامة راجع بقوة.. زيادة جديدة في المعاش وتوسع يشمل آلاف الأسر
خليك معانا.. لأن اللي جاي مهم لبيوت كتير .. الدولة ناوية توسع مظلة الحماية الاجتماعية بشكل أكبر، وفي السنة المالية الجاية، أكتر من 100 ألف أسرة جديدة هتدخل برنامج تكافل وكرامة.
مش بس كده.. قيمة المعاش نفسها هتزيد 15% جديدة، بعد الزيادة اللي حصلت قبل كده، واللي خلت المتوسط يوصل لحوالي 900 جنيه.
والهدف طبعا واضح وهو تخفيف الضغط عن الأسر، خصوصًا مع غلاء الأسعار وزيادة تكاليف المعيشة.
الدعم كمان مش نقدي وبس، فيه مساندة تعليمية، ومصاريف دراسة لطلبة الجامعات الحكومية، وكمان تركيز أكبر على المرأة المعيلة والأرامل، بدعم مالي ومشروعات صغيرة تساعدهم يعتمدوا على نفسهم.
كل ده بييجي في إطار خطة أوسع للإصلاح الاقتصادي، وتوسيع الدعم للفئات الأكثر احتياجًا، وفق ضوابط جديدة بتنظم الاستحقاق وتوصل الدعم للي يستاهله فعلا.
يعني ببساطة تكافل وكرامة مش ثابت، ده برنامج بيتطور، وبيحاول يواكب ظروف الناس، في وقت الضغوط فيه بتزيد على كل بيت.
