مجمع صناعي عملاق ينطلق من نجع حمادي.. شوف إيه اللي بيحصل والمكاسب الاقتصادية
يا ترى إيه اللي بيحصل في نجع حمادي، وإزاي المجمع الصناعي الجديد هيغير شكل الاقتصاد في الصعيد، وهل ممنن فعلا ووفر فرص شغل ضخمة للشباب؟.
في الساعات الأخيرة، وزير قطاع الأعمال المهندس محمد شيمي قعد مع الدكتور خالد عبد الحليم محافظ قنا، عشان يناقشوا إزاي يزودوا التعاون في مشاريع التنمية بجنوب الصعيد، وكمان عشان يستعرضوا المشروعات الاستثمارية اللي شغالة أو هتنطلق قريب.
ومن هنا، قال وزير قطاع الأعمال إن الدولة مركزة على تنمية الصعيد واستغلال كل الموارد المتاحة ليه، وإن الوزارة بتشارك في مشروعات هتضيف قيمة للاقتصاد وتفتح فرص عمل جديدة لأبناء الصعيد وده ضمن خطة مصر 2030 للتنمية المستدامة.
والوزير كمان، اتكلم عن اهن المشروعات في صعيد مصر، واللي منها مشروعات شركة مصر للألومنيوم في نجع حمادي واللي بتشمل إعادة تأهيل المصهر الحالي، وزيادة الإنتاج ب 300 ألف طن سنوي، وكمان إنشاء محطة طاقة شمسية بالتعاون مع شركة "سكاتك" النرويجية عشان تغذي المجمع الصناعي بطاقة نظيفة، وده طبعا بالإضافة لخط إنتاج جديد للسلك بطاقة 60 ألف طن.
كمان، في مشروعات قيمة مضافة جوه المشروعات دي زي مثلا إنتاج رقائق الألومنيوم وجنوط السيارات وده معناه زيادة العائد الاقتصادي وفتح أسواق تصدير جديدة.
الوزير بردو أشار بان في مشروع قومي لتطوير صناعة الغزل والنسيج، وبينفذ في 7 شركات على مستوى الجمهورية، ومنهم شركة في قنا وفي خطط للتعاون في توريد أتوبيسات من إنتاج شركة النصر للسيارات عشان تدعم النقل في المحافظة وتحسن الخدمات.
أما بقى محافظ قنا، فأكد إن المحافظة عندها إمكانيات استثمارية ضخمة وإن الشراكة مع وزارة قطاع الأعمال هتفتح مجالات أكبر لجذب المستثمرين وتشغيل الأصول بأفضل طريقة، وده كله في إطار خطة التنمية الشاملة.
يعني باختصار، المجمع الصناعي العملاق في نجع حمادي مش بس مشروع إنتاج، ده كمان مشروع تنموي هيخلق فرص عمل وهيشجع الاستثمار، ومش بس ذده ده هيزود صادرات مصر من منتجات عالية الجودة، وبيدي كخطوة كبيرة في طريق تنمية الصعيد.
ولو ماتعرفش فوجود مجمع صناعي بالحجم ده في نجع حمادي هيعمل طفرة في البنية التحتية حوالين المنطقة من طرق ومرافق وخدمات لوجستية وده هيسهر على المستثمرين المحليين والأجانب يضخوا أموالهم في مشروعات تكميلية، زي مصانع التغليف والنقل والتخزين اللى هتخلق سلاسل قيمة كاملة في الصعيد.
ومن الناحية الاجتماعية بقى، فالمشروع ده هيغير حياة آلاف الأسر لأن فرص العمل المباشرة وغير المباشرة هتفتح باب دخل ثابت لشباب المنطقة، وكمان هتعمل حراك اقتصادي في الأسواق والمحال والخدمات، يعني التنمية هتلمس كل بيت في نجع حمادي والمراكز المجاورة كمان.
