زيادة 5 مليون سائح سنويا.. مصر بتعمل ايه علشان تزود عدد السياح
الاحداث المحيطة بتقول أن مصر دولة عظمي، وده اللي اثبته الواقع بعد ما الحكومة قدرت تتغلب علي كل الظروف المحيطة وخصوصا في قطاع السياحة ياتري مصر بتتحرك في النقطة دي ازاي.. واية خطط الحكومة لزيادة الاقبال السياحي علي مصر.
السياحة واحدة من الروافد المهمة جدا للاقتصاد المصري باعتبارها واحدة من عوامل الدخل الدولاري، واللي للاسف في الوقت اللي فات التوترات الاقتصادية اللي حصلت في منطقة الشرق الأوسط خلت الأقبال السياحي علي مصر ينخفض شوية بسبب القلق اللي موجود عن السائحين بسبب قرب مصر من منطقة بؤرة الاحداث.
التاثير السلبي اللي وقع علي مصر بسببب قربها من الأحداث والتغيرات الجيوسياسية في منطقة الشرق الأوسط الحكومة قدرت تتغلب عليه عن اكثر من طريق أول الرسائل اللي الحكومة بثتها علي لسان السائحين الموجودين في مصر واللي أكدوا علي مدي توافر عنصري الأمن والأمان في مصر، ودي غير الرسالة المهمة اللي وجهها الرئيس عبدالفتاح السيسي رئيس الجمهورية لما اصطحب نظيره الفرنسي إيمانويل ماكرون في رجولة بحي الحسين في منطقة مصر القديمة والجولة دي نقلتها كل القنوات الأخبارية والقنوات العالمية، واللي اظهرت مدي حب الشعب المصري للضيوف واللي اظهرته علامات الانبهار اللي كانت موجودة علي وش الرئيس الفرنسي واللي انبهر من حب الشعب المصري لضيوفه وتعامله معاهم، والحب اللي موجود من المصريين لرئيسهم ودي كانت اقوي رسالة مجانية الرئيس السيسي وجهها للعامل واللي كانت الدولة هتصرف عليها ملايين وبدون ما توصل لنسبة بسيطة من النتيجة اللي وصلت للناس حوالين العالم عن مدي الأمن والأمان اللي موجودين في مصر.
مصر في الوقت الحالي بتجهز لخطوة جديدة لزيادة التوافدى السياحي علي مصر واللي هيكون من خلال الافتتاح الرسمي للمتحف المصري الكبير، واللي هيكون بحضور عدد كبير من قادة العالم ورؤساء الحكومات وعدد كبير من المشاهير ورجال السياسية والمال والأعمال واللي مرشح أنه يمتد لأكثر من 4 أيام، وهيكون كل يوم مخصص لفئة معينة من الحضور وهيكون من خلال تغطية واسعة من القنوات الفضائية ووسائل الإعلام المحلية والعالمية.
الحكومة بتستهدف من خلال الافتتاح الرسمي للمتحف لمصري الكبير زيادة الاقبال السياحي علي مصر بمعدل 5 مليون سائح سنويا متوقع وصولهم لمصر لزيارة ومشاهدة القطع الاثرية المعروضة بالمتحف المصري الكبير وده واحد من اهداف الحكومة لتحقيق 30 مليون سائح في 2031 وتحقيق 30 مليار دولار إيرادات مباشرة من القطاع.
الحكومة في الوقت الحالي شغالة علي عدد كبير من المبادرات السياحية لزيادة الاقبال السياحي من الخارج باستخدام المدن الجديدة والمشروعات السياحية اللي بتيم تنفذها علي ارض مصر خصوصا في المدن الجديدة زي العلمين الجديدة ورأس الحكمة والساحل الشمالي، وغيرها من المشروعات الكتيرة واللي الهدف منها جذب شرائح جديدة من السائحين لزيارة مصر.
