حاجات لو بتعملها فلوسك هتضيع في ثانية.. خد بالك قبل ما تندم

تعرف إن فيه تصرفات بسيطة بتعملها يومياً ممكن تخلي حسابك البنكي فريسة سهلة لأي نصّاب؟.. طب لو قلتلك إن مجرد إنك ترد على رقم غريب ممكن يكلّفك كل اللي في حسابك؟

لو بتنزل تطبيقات غريبة من روابط على واتساب أو فيسبوك.. مبروك.. إنت كده فتحت باب لسرقة بياناتك من غير ما تحس.

لو عاوز تعرف إزاي الهاكر ممكن يخترقوا حساباتك.. شوف التقرير

خطوات الإبلاغ عن محاولة الاحتيال.. كيف تحمي حقوقك المالية؟

كمان لو بتشارك صور كرت البنك أو رقمك القومي في جروبات أو شاتات.. ده مش فخر.. ده كده بتسهل على النصاب يفتح بيك حسابات وهمية أو ياخد قرض باسمك.

ولو بتدي OTP أو الكود اللي بيجيلك على موبايلك لحد.. ألف مبروك.. إنت كده سلمت حسابك بإيدك. وبرضوا لو بتسجل دخولك لحساباتك من Wi-Fi عام أو غير آمن..

الهاكرز كده بيشوفوك لايف وبيشفطوا كل حاجة.

ولو بتستسهل وتستخدم نفس الباسورد في كل حتة.. كأنك بتقول للنصاب: “خش بيتنا.. الباب مفتوح”.

خد بالك.. النصاب ما بيخترقش جهازك بس بيخترق ثقتك في نفسك..فاحمي بياناتك واحمي فلوسك.. لأن الوقاية أرخص بكتير من "آه لو كنت خدت بالي".