سر صرخة ايتشن.. مصر تكشر عن أنيابها صناعيا
ايه حكاية الصناعات المصرية اللي بتغزو تركيا وليه التجار هناك بيتكلموا عن الصناعة المصرية.. وايه اللي حصل وخلاهم يقولوا أن مصر بقت الصين التانية..
لو حضرتك متابع اقتصاد هتلاقي إن المنتجات المصرية بقت ترند الاسواق في تركيا دلوقتي ودا بعد زيادة الطلب عليها بشكل غير مسبوق بسبب المزايا التنافسية للسلع المصرية وخاصة في السعر والمواصفات القياسية..
بيرك إيتشن ودا رئيس رابطة مصنعي الأحذية في تركيا ودبي حاجة زي الشعبة التجارية عندنا أطلق تحذير شديد اللهجة من تصاعد ما وصفه بهجرة المصانع التركية إلى مصر وقال إن مصر أصبحت بمثابة الصين الجديدة في المنطقة، بفضل انخفاض تكاليف الإنتاج واتفاقيات التجارة الحرة والبنية التحتية المتطورة وقال إن دا دبيهدد الصناعة المحلية في تركيا بخسائر ضخمة إذا لم تتدخل الحكومة سريعًا.د حسب كلامه..
كمان معهد الإحصاء التركي قال في بيانات رسمية إن واردات تركيا من الأحذية القادمة من مصر قفزت بنسبة 1223% في يناير 2025 مقارنة بالشهر نفسه من 2024 لتصل إلى 794 ألف دولار في الوقت اللي ظلت فيه صادرات الأحذية التركية إلى مصر عند حدود 361 ألف دولار، ما يعكس اختلالًا متزايدًا في الميزان التجاري بين البلدين لصالح مصر ..
المسؤول التركي شايف إن مصر بدأت تجني ثمار الرسوم الجمركية المنخفضة اللي فرضها ترامب واللي هتخول القاهرة إلى غول صناعي بعد هجرة المصانع العالمية ليها وخاصة الصينية عشان تهرب من فخ الرسوم الجمركية الأمريكية الضخمة على الصين وقال إن قفزة الصادرات المصرية من صناعة الأحذية سببه دخول الصين للسوق المصري وإن فيه كتير من الشركات بقت بتستورد أجزاء الأحذية من الصين وتقوم بتجميعها في مصر، ثم تصدرها إلى تركيا باعتبارها منتجات مصرية المنشأ، مستفيدة من اتفاقية التجارة الحرة بين البلدين لتجاوز الرسوم الجمركية التي تصل إلى 60-70% على واردات الأحذية من دول أخرى...
طبعا بصرف النظر عن صحة كلام رئيس رابطه مصنعي الأحذية في تركيا من عدمه لكن بيكشف عن تحول كبير في المنطقة ودا اللي قلنا عليه كتير هنا في بانكير وهو إن مصر هي الوحش الصناعي القادم في المنطقة حتي قبل قرار ترامب بفرض رسوم جمركية.. وقلنا إن البنية الأساسية اللي بناها السيسي هي اللي هيأت مصر إنها تكون عاصمة الاستثمار والتصنيع في المنطقة وأن مصر بدأت تجني ثمار تعب السنين اللي فاتت.. الراجل التركي رغم إنه كان بيشكي من غزو المنتجات المصرية لبلاده لكن قال حاجة مهمة جدا مخدناش بالنا منها وهي إن مصر بقت الصين التانية ودا اللي بيحصل دلوقتي.. مصنع هتصنع من الإبرة للصاروخ وهتغزو كل الأسواق وعندها اكتر من ميزة وهي الأسعار التنافسية وتاني حاجة قربها من كل الأسواق والجودة العالية.
