ضربة السيسي اللي هتوقف نزيف الدولار .. تحرك مهم في توقيت حرج
تأمين قوت المصريين هدف سيادي الحكومة مش هتتخلي عنه.. ومصر دلوقتي بتعمل معجزة جديدة لتأمين رغبف خبر المصريين.. ياتري اية هيا المعجزة دي.. وازاي مصر هتأمن غذاء المصريين.
تأمين الأمن الغذائي المصري واحد من اهم الملفات اللي موجودة علي مكتب القيادة السياسية والحكومة، ومن اللحظة الأولي لبناء الجمهورية الجديدة الرئيس عبدالفتاح السيسي وجه الحكومة بالتوسع في المساحات الجديدة للأراضي الزراعية والتركيز علي الزراعات الاستراتيجية زي القمح والخضراوات والمحاصيل اللي بتهم كل بيت مصر.
الاهداف الرئيسية للقيادة السياسية والحكومة من التوسع في الزراعة هدفها تأمين رغيف خبز المصريين خصوصا أن القيادة السياسية عندها ايمان بحكمة أن القرار السياسي الحر بيكون قائم في الأساس علي تحقيق الأمن الغذائي، مفيش دولة في العالم عندها قرار سياسي حر بدون ما يكون مأمن غذاء شعبها كويس جدا.
طيب اية اللي عملته الحكومة علشان تأمن غذاء المصريين ؟.
توجيهات الرئيس السيسي للحكومة بالعمل علي وقف استنزاف الموارد الدولارية كانت واضحة من البداية، لكن تأمين غذاء المصريين ده قصة مختلفة تماما، خصوصا ان الحكومة ملزمة بتوفير قوت المصريين، وكمان تكون باسعار مناسبة لكل الفئات، وعلشان نوصل للنطقة دي، الحكومة بدأت خطة تأمين غذاء المصريين بتوسيع الرقعة الزراعية وتطوير نظم الري واستنباط أصناف زراعية أكثر إنتاجية، ومواجهة تحديات الشح المائي، وارتفاع تكاليف الإنتاج، وفعلا الحكومة بدأت تنفذ خطة التوسع في الزراعات وحاليا مصر قربت علي تحقيق الاكتفاء الذاتي من السكر، وتضييق الفجوة الإنتاجية في محاصيل زي القمح والذرة والفول .
طيب اية المعجزة الجديدة اللي الحكومة شغالة عليها لتأمين قوت المصريين ؟.
في السنين اللي فاتت الحكومة نفذت أكثر من مشروع تنموي في عدد كبير من المحافظات خصوصا في منطقة الدلتا الجديدة ومستقبل واللي انتاجها حاليا بيعادل انتاج اكثر من 3 أو 4 محافظات بالكامل، والحكومة بتستهدف الوصول بالأرضي الزراعية الصالحة للزراعة هناك لأكثر من 2 مليون فدان، ده غير الشغل اللي بتقوم بيه الحكومة لتشييد صوامع تخزين القمح بهدف تأمين رغيف خبز المصريين .
مش كده بس، الحكومة خلال الـ3 سنين اللي جايين ناوية تعمل معجزة حقيقية، وقريب قوي هنسمع خبر وقف استيراد القمح من الخارج وهنحقق اكتفاء ذاتي من محصول القمح، خصوصا أن الحكومة في الفترة الحالية بتستهدف استصلاح أكثر من 4 مليون فدان جديدة، هتكون مخصصة لزراعة المحاصيل الاستراتيجية واللي بتتصدر قائمة الفاتورة الاستيرادية الغذائية لمصر من الخارج .
