السبت 15 فبراير 2025
رئيس التحرير
عمرو عامر
المشرف العام
عبدالعظيم حشيش
رئيس التحرير
عمرو عامر
المشرف العام
عبدالعظيم حشيش
اقتصاد مصر

إيرادات الدولة هتوصل لـ 190 مليار دولار في 2026.. الحكومة هتجيب المبلغ ده منين؟

الثلاثاء 28/يناير/2025 - 01:30 م
الإيرادات الدولارية
الإيرادات الدولارية

مصر عندها خطة للوصول بايراداتها لـ190 مليار دولار.. ياتري مصر هتحقق المعادلة دي ازاي.. واية الخطة اللي هتشتغل عليها علشان توصل للرقم ده.

أزمة الدولار اللي حصلت في مصر مع نهاية 2023 وبداية 2024، خلت الحكومة تبدا خطط مختلفة لتوفير سيولة دولارية كبيرة في البنوك الوطنية، وفعلا الحكومة حطت خطة للوصول بايراداتها الدولارية لـ190 مليار دولار في 2026.


وعلشان الحكومة توصل بايراداتها لـ190 مليار دولار، فبدأت تعمل حاجة لتحسين وضعها المالي زي تحسين بيئة الأعمال وتقديم تسهيلات للقطاع الخاص لزيادة الإنتاج والصادرات والتركيز على تعزيز مصادر الدخل الدولارية زي السياحة وقناة السويس والاستثمار الأجنبي المباشر وتشجيع الصادرات وزيادة تحويلات المصريين العاملين بالخارج.


طيب الحكومة مستهدفة توصل بايرادات قناة السويس لكام وازاي هتحقق الرقم ده؟

الحكومة أكدت في استراتيجيها الاقتصادية، أنها بتستهدف الوصول بايرادات قناة السويس لـ88.1 مليار دولار في 2030، وده هيحصل من خلال زيادة إجمالي السفن العابرة لقناة السويس لـ190.7 ألف سفينة بحمولة نحو 13.4 مليار طن.

الحكومة خلال الفترة اللي فات عملت تطوير كبير جدا في القناة بما يضمن استدامه وانتظام حركة الملاحة البحرية في القناة، وكمان جابت عدد كبير من من اللات البحرية اللي بتستخدم في تنظيم وتحريك السفن علي طول المجري الملاحي للقناة، وده علشان ميحصلش اي عمليات لجنوح اي سفن واللي بتكون سبب في توقف حركة الملاحة بالقناة.

الحكومة كمان حطت خطة لزيادة ايرادات قناة السويس باعتباره مصدر اساسي من مصادر الدخل القومي، ومصر حاليا بتستهدف الوصول بايرادات قطاع السياحة لـ30 مليار دولار وتحقيق 30 مليون سائح في 2028، وده هيحصل عن طريق استهداف اسواق جديدة في كل قارات العالم وكمان تقديم تحفيزات لشركات الطيران ومنظمي الرحلات لتشغيل رحلات جوية الي مصر وده بيحصل من خلال زيادة مقابل برنامج تحفيز الطيران ودعم الطيران العارض، وزيادته لرحلات الطيران العارض وتطوير التجربة السياحية في المواقع الآثرية وافتتاح أماكن آثرية جديدة زي المتحف المصري الكبير واللي هيكون قبله اساسية للسائحين حوالين العالم وهيكون سبب مباشرة في زيادة حركة السائحين القادمين لمصر.

اما فيما يخص الصادرات فالدولة عندها خطة أنها توصل بالصادرات السلعية لـ88 مليار دولار بحلول في 2026، وده بيمثل ضعف الصادرات اللي حققتها مصر في 2024 واللي وصلت 40 مليار دولار، وكل الخطوات دي ضمن خطة الحكومة ذلك لتقليص الفجوة الدولارية بين الاستهلاك والإنتاج.

الدولة حاليا شغالة بقوة علي تنمية وتشجيع الصناعة، وفعلا الحكومة في الفترة اللي فاتت نجحت في إعادة تشغيل عدد كبير من المصانع اللي كانت متوقفة عن العمل، وكمان قدمت حوافز كتيرة للشركات ورؤس الأموال الاجنبية علشان يدخلوا السوق المصري ويساهموا في توفير منتجات محلية علشان فاتورة الاستيراد تقل، وكمان هيكون عندنا فائض للتصدير وده كمان هيعزز من خطة الدولة لزيادة الصادرات وهيكون باب دولاري جديد لمصر.