إيه حكاية الضرايب الـ«فري لانسر»
وزير المالية المصري، أحمد كجوك، طلع واتكلم عن جهود الحكومة لدمج الاقتصاد الغير رسمي واتكلم عن حاجات كتير زي التسهلات الضربية والحوافز اللي هتدقمها الحكومة وكمان اتكلم عن قطاعات ريادة الأعمال والفري لانسر.. يعني إيه الكلام دا؟
عشان نبقي عارفين الدولة بتعاني من حاجة اسمها الاقتصاد غير الرسمي وهو كل نشاط مش داخل على سيستم الحكومة أو الضرايب يعني لو حضرتك عندك ورشة نجارة تحت البيت وعاملها كده من غير ترخيص ولا بتدفعلها ضرايب يبقي كده انت عامل أزمة للحكومة أولها إنها مفقتدة للمعلومة اللي بترسم بيها الخطط الاقتصادية.
والحقيقة كل الحكومات السابقة حاولت كتير إنها تدمج الاقتصاد الغير رسمي في مصر وعلى فكرة احنا هنا بنتكلم عن رقم ضخم وكفاية تعرف إن البياانات الرسمية اللي صدرت في 2022 قالت إن نسبة الاقتصاد غير الرسمى فى مصر، من الناتج المحلى وصلت ما يقرب 50%، يعني نص اللي بتنتجه البلد من السلع والخدمات، يعني بنتلكم حضرتك في مبلغ يتراوح بين 2.5 و3 تريليون جنيه الدولة مش بتستفاد منهم ضرايب ولا أي حاجة.
طييب ايه الجديد في الموضوع جدا.. شوف حضرتك وزير المالية من ساعات أعلن عن عدد من الحوافز الجديدة لضم منظومة الاقتصاد غير الرسمي، وقال إن ميكنة المنظومة الضريبية هيساعد في المساندة عند العمل على دعم القطاعات غير الرسمية، ومن بين الحوافز دي التسهيلات الضريبية اللي هيتم تطبيقها خلال العام المالي الحالي بعد استكمال جميع بنود الحوافز الضريبية.
الوزير أكد إن توسيع القاعدة الضريبية ضرورة ملحة بضم الاقتصاد غير الرسمي، ويجب عند التعامل مع القطاع غير الرسمي التأكد أنه متشعب جدا وعند الحديث عن هذا القطاع يجب أن نقوم بتقسيمه بسبب تشعباته وتفرعاته.
وزير المالية اتكلم كمان عن قطاعات ريادة الأعمال و"الفري لانسر" وقال هي بتقدم خدمات مهمة وتحتاج مساعدة لفهم المنظومة الضريبية والتأمينات وغيرها من الالتزامات وبنحاول الوصول إلى نظام ضريبي مبسط للتعامل مع هذه الأنشطة.
طيب ايه هو اقتصاد الفري لانسر؟
شوف كل عمل حر أو من بعد ومش معروف أو متسجل في منظومة الضرايب المصرية ودا نوع مهم جدا ومنشر في مصر وجزء كبير من الاقتصاد غير الرسمي وعشان كده الدولة بتعمل المستحيل عشان تدخل كل الاعمال دي في المنظومة الرسمية والاستفادة منها في تمويل خطط التنمية عن طريق عوائد الضرايب اللي هتدفعها.
