خطوات الاستعلام وسحب فلوس المتوفي من البنوك

 
اسئلة كتيرة متداولة حاليا عن خطوات الاستعلام عن ارصدة الشخص المتوفي في البنوك، وهل للورثة الحق في صرف الارصدة دي واية هيا الخطوات اللي هتطلبها البنوك لمعرفة الارصدة دي.. لو عايز تعرف كل ده شوف الفيديو ده للاخر
 

حالات كتيرة بتجي قدامنا أو نسمع عنها عن وفاة مواطن وبعد الوفاة الورثة بيحتاروا ازاي يعرفوا الثروة اللي موجودة عنده قد اية، وهل له ارصدة في البنوك ولو ليه ارصده ازي يقدروا يسحبوها، واية هيا الخطوات والاجراءات اللي هتطبها البنوك علشان تفرج عن الارصدة الموجودة باسم المتوفي، وهل ممكن تروح الفلوس دي علي الورثة في حالة وفاة صاحب الملكية أو مالك الفلوس .
وقبل ما تلف ولا تحتار، أنا دلوقتي هقولك علي الحل اللي ممكن من خلاله تقدر ترفع الارصدة اللي موجودة في البنوك لحد متوفي بس طبعا في شوية شروط وإجراءات علشان تعرف الارصدة، وأول الاجراءات دي هيا أن اهل المتوفي من الدرجة الأولي لازم يقدم طلب للبنك المركزي للاستعلام عن ارصدة المتوفي في اي بنك علي مستوي الجمهورية، بس لازم اللي مقدم الطلب يقدم مع الطلب صورة من إعلام الوراثة ويكون موثق من كل اللي ليهم حق في التركة بالإضافة الي تقديم اصل الإعلام للمسئول عن البنك للاطلاع، ده غير تقديم شهادة الوفاة.
مش كده بس لا ده كمان البنك المركزي اشترط للافراج والإستعلام عن ارصدة الشخص المتوفي أن اللي بيقدم للاستعلام أن يقدم بطاقته الشخصية وصورة منها وكمان يدفع الرسوم المقررة، وبعد ما تقدم الارواق اللي قولت لحضراتكم عليها دي وتدفع الرسوم المقررة، وبعدها البنك المركزي يبدأ يبعت لكل البنوك المعتمدة عنده للاستعلام عن ارصدة الشخص المتوفي وكميتها اد اية، وفي خلال فترة اقل من 15 يوم البنك المركز يبخطر الشخص اللي قدم الطلب بكل الارصدة اللي موجودة للشخص المتوفي وكمان بييحد له طريقة واجراءات سحبها وده طبعا لازم يكون بتوكيل رسمي من كل اللي لهم حق الوراثة علشان مفيش حد بعد ما الشخص اللي قدم طلب الاستعلام يرجع يقوم ولا يقدم طلب سحب فلوس الشخص المتوفي .