بتستهدف ملايين الدولارات.. شوف الدولة بتعمل إيه في قطاع الزراعة

مصر في الوقت الحالي بتستهدف زيادة الصادرات بكل أنواعها واحد من الصادرات دي هيا الصادرات الزراعية، ومصر حاليا بتستهدف الوصول بالصادرات الزراعية لـ100 مليون جنية.. يا تري ده هيحصل أزاي.. واية هيا الخطوات اللي اخذتها الدولة للوصول للنسبة دي.

التوجيهات الرئاسية للحكومة المصرية في الفترة الرئاسية الجديدة كانت واضحة من البداية وهيا زيادة فاتورة التصدير بكل أنواعها وخفض فاتورة الأستيراد للتحكم في العملة الأجنبية اللي بتدخل وبتخرج من مصر ودخ هيكون نتيجته أن مصر هتكون متحكمة في الميزان الاقتصادي بتاعها وتضمن أنها ميحصلش فيها أزمة مصر تانية في العملات الاجنبية وخصوصا الدولار زي ما حصل في مصر في الشهور اللي فاتت، وكمان مصر تكون مأمنة مصالحها الاقتصادية بدون ما تعتمد علي أي دولة في العالم.
زي ما احنا عارفين أن الأمن الاقتصادي لأي دولة يبدأ من الأمن الزراعي، وتحقيق الاكتفاء الذاتي من الأكل والشرب، خصوصا أن العالم كله في الوقت الحالي بيشهد تغيرات جيوسياسية بشكل كبير جدا، وبالتالي كل الدول في الوقت الحالي بتحاول بكل الطرق أنها تأمن رغيف الخبر والمنتجات الزراعية اللي هتكفي شعبها لفترة طويلة .

طيب اية اللي بتعمله مصر علشان تأمن الغذاء للمواطنين ؟.
علي مدار السنين اللي فاتت مصر، كانت مركزة علي زيادة الرقعة الزراعية والتوسع في استصلاح اراضي زراعية جديدة في الصحراء ووقف التعدي علي رقعة الأراضي الزراعية ومنع البناء عليها، وكانت نتيجة للجهود اللي قامت بيها الدولة علي مدار الشهور اللي فاتت، أن معدل تصدير الحاصلات الزراعية وصل حاليا لـ6.1 مليون طن صادرات زراعية بأجمالي 3.6 مليار دولار بزيادة تجاوزت  800 مليون دولار في الفترة من سبتمبر 2023 وحتي يوليو 2024، والتصدير ده طبعا هيساهم في توفير العملة الصعبة للدولة المصرية، وهيساهم كمان في توفير فرص عمل جديدة للشباب.

علي مدار الشهور اللي فاتت الدولة كانت بتسعي لفتح أسواق جديدة وواعدة في إفريقيا ومنطقة الشرق الأوسط، خصوصا بعد التوسع في الزراعات العضوية للحفاظ على سلامة المنظومة البيئية ومتطلبات التنمية المستدامة، ورؤية مصر 2030 بتشتمل علي عدد من الأهداف الاستراتيجية لتدعيم ملف الأمن الغذائى وتحقيق التنمية المستدامة المتمثلة للحفاظ على الموارد الاقتصادية الزراعية المتاحة وصيانتها وتحسينها وتنميتها، والشغل اللي عملته الحكومة ساهم في زيادة حصيلة الصادرات الزراعية. 
طيب الدولة عايزة توصل لكام من تصدير الحاصلات الزراعية؟.
الدولة حاليا بتستهدف زيادة الصادرات بصفة عامة والوصول إلى 100 مليار دولار حصيلة للصادرات ككل، وحاليا الحكومة بتهدف لزيادة تنافسية الصادرات الزراعية وفتح أسواق جديدة للمنتجات الزراعية، وتحسين مناخ الاستثمار الزراعي ودعم المستثمرين في قطاع الزراعة والأنشطة المرتبطة به، ورفع كفاءة الأصول غير المستغلة، وتدعيم الخدمات اللي بتقدمها الدولة للفلاح والمزارع المصري على كل المستويات من خلال توفير الاسمدة والحاجات اللي بيحتاجها في الزراعة علشان تضمن استمرارية الانتاج والتوسع في الزراعة وكمان زيادة فعالية المنتج الزراعي.