شهادة هتديك 2.5 مليون جنيه ومن غير ماتتعب نفسك..شوف التفاصيل
الأيام دي، البنوك المصرية بتقدم خدمات مميزة لعملائها وده بمناسبة الاحتفال بالشمول المالي، ومن بين الخدمات دي هي شهادات الادخار، واللي هي عبارة عن وثيقة بين البنك والعميل عشان يحفظ فلوسه في البنك ويدخرها أو يزودها بطريقة مضمونة وسريعة.
وبالنسبة للبنوك، فبتحاول تجذب أكبر عدد من العملاء بشهادات الادخار، واللي من أشهرها وأهمها شهادة البنك الأهلي ... خليكم معانا للآخر وهتعرفوا التفاصيل
البنك الأهلي بيتيح للعملاء شراء شهادة ادخار ذات عائد متناقص لمدة 3 سنين، وعائدها 30% في أول سنة، 25% في السنة التانية، و20% للسنة الثالثة، وبيتصرف العائد ده كل سنة، ومتاح للعميل يستثمر في الشهادة دي لمدة 3 سنين.
طب إيه هي مميزات الشهادة دي عن غيرها؟
بص يا سيدي، الشهادة دي ممكن تشتيرها ب 1000 جنيه ومضاعفاتها، كمان ممكن تحوش أو تدخر فيها لمدة سنة، وسعر العائد بتاعها أو المكسب بيكون 27% من قيمة الفلوس اللي هتحطها في سنة واحدة .
ضيف على ده، إن حضرتك ممكن تاخد قرض بضمان الشهادة دث من أي من فرع للبنك الأهلي في أي محافظة، وأخيرا متاح إن حضرتك تستثمر فيها، يعني تكسب منها لكذا سنة قدام.
وعشان الشهادة دي مسموح إنك تقترض عليها كمان، فالبنك الأهلي بيقدم لعملائه فرصة الحصول على قرض شخصي بدون ضامن بيوصل ل 2.5 مليون جنيه.
ومن مميزات القرض ده، إن فترة السداد مرنة بتصل إلى 10 سنوات، وبمعدل فائدة متناقص سنويًا يبدأ من 18.5%، والشروط دي طبعا جذابة للعملاء اللي بيدورا عن قروض مرنة.
لكن من أهم شروط القرض اللي حضرتك لازم تعرفها، إن الدخل الشهري بتاعك مايقلش عن 1000 جنيه، كمان عمرك مايكونش أقل من 21 سنة، ولازم يكون معاك صورة سارية لبطاقة الرقم القومي، وخطاب من جهة العمل بيوضح تاريخ التعيين والدخل الشهري، مع تعهد جهة العمل بسداد الأقساط البنكية لحد انتهاء فترة السداد، وبكده تقدر تاخد القرض بسهولة.
