في 12 منطقة مليانة بالخير.. تطور خطير في ملف الغاز والبترول

 
مصر مش هتسكت غير لما ترجع مركز إقليمي في المنطقة لتحلؤة البترول والغاز الطبيعي..  هتعمل دا ازاي وايه اللي بيحصل في قطاع التنقيب وايه حكاية المزايدة للعالمية اللي مصر كشفت تفاصيلها.. تعالوا نشوف الحكومة بتفكر ازاي في الملف الخطير دا.. تابعونا للآخر 
 

كلنا عارفين اللي حصل والي بيحصل في ملف البترول والغاز والفرق الكبير بين الاستهلاك والإنتاج وازاي مصر بعد ما كانت تصدر الغاز اضطرت تستورده من بره لأسباب كتير زي ماقلنا منها القفزة الكبيرة في الاستهلاك مع الارتفاع القياسي في درجة الحرارة  وبالتزامن مع انخفاض انتاج حقل ظهر للغاز الطبيعي والحقيقة دا كله الدولة مليارات الدولارات دفعتها للشركات الأجنبية العاملة في مصر عشان تزود الإنتاج وتضخ استثمارات جديدة وفي الاستيراد من الخارج للقضاء على ظاهرة تخفيف الأحمال.

في نفس الوقت الحكومة المصرية مسكتتش وقررت انها لازم يكون عندها وفرة كبيرة في إنتاج المواد البترولية في الفترة الجاية ومش هتسمح باللي حصل يتكرر تاني وعشان كده وزارة البترول قررت تعديل السياسة مع الشركات العالمية العاملة في مصر والتواصل مع شركات حديدة وقررت تحل كل الأزمات ودفعت مستحقات شركات البترول الأجنبية في مصر واللي رجعت تصخ مليارات الدولارات من تاني في التنقيب عن النفط والغاز زي ما حصل كده مع شركة ايني الإيطالية واللي بفتح ر دلوقتي حقلين زي حقل ظهر وفي نفس منطقة الامتياز.

طيب ايه الجديد في موضوع الغاز والبترول ؟
شوف حضرتك من شوية وزارة البترول والثروة المعدنية أعلن عن قيام الشركة المصرية القابضة للغازات الطبيعية (إيجاس) بطرح مزايدة عالمية جديدة لسنة 2024 للبحث عن الغاز الطبيعي والزيت الخام في 12 قطاع بالبحر المتوسط ودلتا النيل، وبتشمل 10 قطاعات بحرية وقطاعين بريين، والطرح كان من خلال بوابة مصر للاستكشاف والإنتاج الإلكترونية.

وشرحت الوزارة أن المزايدة ضمن جهود جذب استثمارات جديدة إلى مصر، و استغلال الفرص الواعدة في مجال البحث عن الغاز والبترول، في الأراضي والسواحل المصرية وخاصة في البحر المتوسط واللي كل التوقعات والابحاث بتقول إن فيه إمكانات كبيرة كحوض واعد للغاز الطبيعي في العالم ومصر زي ما احنا عارفين ليها مياه إقليمية ودولية واسعة تقدر تنقب وتدور فيها على الغاز والبترول وزي ما حصل في حقل ظهر متوقع يظهر اكتر من حقل زيه بعد انتهاء الشركة الإيطالية من الحفر والاستكشاف.

وزير البترول والثروة المعدنية المهندس كريم بدوي، قال إن طرح مزايدة البحث عن الغاز الطبيعي بيدعم توجه الدولة المصرية بخصوص تكثيف أنشطة البحث والاستكشاف في البحر المتوسط، خاصة في ظل الاهتمام المتزايد بتحقيق اكتشافات جديدة وزيادة إنتاج الغاز الطبيعي، واللي بقي  عنصر أساسي في مزيج الطاقة المحلي والعالمي.

وحسب  الوزير  المزايدة الأخيرة هي التامنة من نوعها اللي بتطرح باستخدام أحدث الوسائل الرقمية عبر بوابة مصر للاستكشاف والإنتاج (EUG)، اللي أطلقتها الوزارة في بداية 2021، ودي بوابة بتوفر وصول سهل وسريع إلى المعلومات الأساسية وجميع البيانات الفنية المحدثة الخاصة بالمزايدات، مما يسرع بعملية تقييم الفرص الاستثمارية وكذلك تقديم العروض.

ومش كده وبس وزير البترول استغل فرصة طرح المزايدة الأخيرة وأعلن عن توافر مجموعة من الفرص الاستثمارية الإضافية في مجالات البحث والاستكشاف وتنمية الحقول بالمناطق المفتوحة من خلال بوابة مصر للاستكشاف والإنتاج، وبتيح البوابة للشركات الراغبة إمكانية الاطلاع على جميع البيانات الجيولوجية والإنتاجية المتاحة وتقديم العروض مباشرة، مما يعزز الشفافية والكفاءة في عملية تقديم العروض وبالتالي تشجيع الاستثمار.
الخلاصة في دا كله إن مصر شغالة بقوة وبتسابق الزمن في محال التنقيب عن البترول والغاز الطبيعي عشان تلحق تسد الفجوة بين الاستهلاك والإنتاج وترجع تصدر زي الاول وكل التوقعات بتقول إن مصر هتقدر ترحع تاني لاعب اساسي في قطاع الغاز الطبيعي في المنطقة والعالم مع بداية عمل الاكتشافات الجديدة.