قرار من البنك المركزي هينزل بأسعار العربيات.. شوف إيه الحكاية

أسعار العربيات واحدة من الحاجات اللي عليها علامات استفهام كبيرة، واسعارها كل يوم في الطالع.. بس البنك المركزي مؤخرا عمل حاجة هتغير الفكرة عن اسعار العربيات تماما.. يا تري اية هيا الفكرة دي.. ومتوقع اسعار العربيات تنخفض لكام الفترة اللي جاية
 

اللي متابع لسوق العربيات في مصر هيعرف أد اية اسعار العربيات تضاعف في السنتين تلاثة اللي فاتوا، وطبعا اسعار العربيات دلوقتي بقت مرعبة، ومش اي حد يقدر يشتري عربية، الا في حاجات محدودة، وده خلي في اقبال كبير علي سوق العربيات المستعملة واللي طبعا سعرها ارتفع هو كمان بسبب زيادة الاقبال عليها، لان عندنا في مصر اي حاجة يكون عليها اقبال سعرها بيرفع اضعاف الاضعاف .
طيب اية هيا الخطوة اللي عملها البنك المركزي علشان يهدي اسعار العربيات في مصر؟.
البنك المركزي المصري مؤخرًا أعلن عن رفع القيود اللي كانت مفروضة على تمويل استيراد العربيات، ودي خطوة طال انتظارها من المستوردين وراغبي شراء السيارات، وجت بعد عامين من فرض قيود شديدة على استيراد مجموعة من السلع الغير اساسية، بما فيها العربيات كاملة الصنع كجزء من جهود البنك للحفاظ على احتياطي النقد الأجنبي.
شعبة المستوردين بالاتحاد العام للغرف التجارية قالت إن قرار البنك المركزي بحصر طلبات استيراد السلع غير اساسية، وتوجيه البنوك الموجودة في مصر بتحديد الاعتمادات المستندية للسلع غير الأساسية اللي بيتطلب استيرادها موافقة مسبقة منه جه بسبب وجود وفرة في النقد الأجنبي بعد النجاح الكبيرة اللي علمته الحكومة في جذب الاستثمارات الجديدة ودخول تمويلات كبيرة جدا في الفترة الأخيرة.
شعبة المستوردين بالاتحاد العام للغرف التجارية، قالت كمان أنه من الطبيعي إلغاء القيود المقررة على تمويل استيراد السلع الترفيهية بالتدريج، خصوصا أن صندوق النقد الدولي طالب مصر بعدم وجود أي متأخرات في الموافقات على تدبير الدولار وتوفيره لكل المستوردين.
طيب اية اسباب قرار البنك المركزي بالسماح باستيراد السلع الترفيهية؟.
الاتحاد العام للغرف التجارية قال أن زيادة تدفقات موارد النقد الأجنبية في مصر زادت بشكل كبير في الفترة الاخيرة ووصل احتياطي النقد الأجنبي في البنوك لأرقام لأول مرة تحصل في تاريخ مصر، والارقام دي هتكفي لتمويل عمليات الاستيراد وبدون اي قيود وبدون ما تعمل العملية دي اي مشاكل او فجوات تمويلية وتعمل مشاكل تانية في توفير النقد الأجنبي في مصر زي ما كانت حاصلة من كام شهر.

الاتحاد العام للغرف  قال كمان أن استمرار حظر استيراد سلع معينة هيدفع الدول التانية للتعامل مع مصر بذات المعاملة وهتمتنع عن استيراد سلع من مصر وده هيؤدي لتقلص إيرادات الجمارك وكمان انخفاض فاتورة مصر التصديرية واللي هيا سبب اساسي في زيادة التدفقات النقدية اللي بتدخل خرينة البنك المركزي من العملات الصعبة وخصوصا من الدولار .