خطة على تقيل.. تحول خطير في ملف الكهربا
أزمة قطع الكهرباء اللي كانت علي مدار سنة كاملة في مصر.. خلت الحكومة تعيد حساباتها في موضوع البحث عن البترول والاكتشاف البترولية الجديدة.. يا تري مصر بتعمل اية في الموضوع ده وآية أهم المحطات وابار البترول اللي الدولة شغالة عليها .
طبعا كلنا عاصرنا موضوع قطع الكهرباء واللي استمر معانا علي مدار أكثر من سنة كاملة، وكانت فيهم الكهرباء بتقطع علي فترات الاول بدأت بساعة وبعدين زادت لساعتين ووصلت ل 3 ساعات في بعض الأحيان، وطبعا كلنا عارفين أن السبب الأساسي للأزمة دي كان نقص الوقود اللي وزارة الكهرباء والطاقة المتجددة متجاه علشان تشغل محطات توليد الكهرباء واللي هتولد الكهرباء اللي بتنور البيوت والشوارع.
نقص إمدادات البترول خلال الشهور اللي فاتت خلي الدولة تضطر تستورد كميات كبيرة من البترول والغاز الطبيعي والمازوت اللي محطات توليد الكهرباء بتحتاجه علشان تشتعل بشكل طبيعي وتولد الكهرباء، وبالتالي الدولة اضطرت أنها تستورد كميات كبيرة من البترول والغاز الطبيعي من برا وطبعا الفاتورة كانت بالدولار، والاستيراد كلف مصر ارقام كبيرة علشان تأمن احتياجات محطات توليد الكهرباء .
طيب ايه اللي بتعمله مصر علشان تأمن احتياجات محطات توليد الكهرباء في الفترة اللي جاية ؟.
الدولة المصرية حاليا شغالة بكل قوة علشان تأمن احتياجاتها من الطاقة والغاز الطبيعي، وكمان تتحول لمركز مركز إقليمي لتجارة وتداول الغاز، والخطة دي قائمة علي تصدير الغاز الفائض من الانتاج.
الدولة المصرية كمان شغالة دلوقتي مع أكثر من شريك احنيي في مجال البحث والتنقيب عن آبار البترول في مصر، واحدة من أهم الشركات والشركاء دول هيا الشركة القابضة المصرية الكويتية واللي أعلنت عن خطتها لضخ استثمارات جديدة في مصر، لتعزيز عمليات الاستكشاف وزيادة إنتاج الغاز من الشغل اللي بتقوم بيه شركة شمال سيناء للبترول.
الشركة القابضة المصرية الكويتية أعلنت عن الاتفاق مع وزارة البترول والثروة المعدنية علي توسعة مناطق الامتياز الممنوحة لشركة شمال سيناء للبترول وتحويل منطقة البحث المضافة لعقد تنمية، والخطوة دي جت بعد الشركة نجحت في تحقيق الكشف الخاص بحفر أول بئر استكشافي جديد وبدات الانتاج منه في شهر يونيو اللي فات، وكمان في بير جديد الشركة هتبدا الانتاج منه في شهر سبتمبر اللي جاي .
الشركة الكويتية قالت إن استثماراتها في الاستكشاف والتنمية بحقل شمال سيناء البحري وصلت ل 247 مليون دولار من بداية عام 2017، والشركة إضافت احتياطيات غاز تقدر بحوالي 212 مليار قدم مكعب، وكمان الشركة أعلنت عن اكتشاف كميات تجارية ضخمة من النفط الخفيف والغاز المصاحب في حقل النوخذة البحري الموجود شرق جزيرة فيلكا في المياه الاقتصادية الكويتية.
الشركة أعلنت كمان عن احتمالات كبيرة لتعزيز وزيادة كمية مخزون الموارد الهيدروكربوني بالحقل البحري المكتشف.
