لا دهب ولا شهادات.. لو معاك فلوس وعاوز تشغلها شوف الفيديو ده

لو معاك سيولة أو مدخرات أو شايل فلوسك تحت البلاطة وعرفت انها بتخسر طول ما هي موجودة من غير استثمار ياترى ممكن تشغلها في إيه وإيه الاستثمار المضمون واللي يشغلها وفي نفس الوقت يحفظ قيمة الفلوس.. شوف الفيديو ده للأخر.

الحقيقة الوضع الاقتصادي الحالي غير حاجات كتير في سلوك المصريين وخلاهم متابعين اقتصاد كويس جدا وفي نفس الوقت بقوا على دراية كبيرة باللي بيحصل حوليهم ومش كده وبس دول كمان بقوا يتوقعوا القرارات اللي جاية وتحركات السوق وعشان كده كتير جدا منهم بدأو يتعاملوا مع المستجدات الصعبة في المعيشة وزيادة التكاليف سواء بترشيد الانفاق أو تشغيل السيولة اللي معاهم.
والحقيقة بردو فيه أكتر من  مجال للاستثمار تقدر تشغل فيه فلوسك وهي كلها استثمارات مضمونة وامان كمان لكن ايه الفرق بين كل واحد فيهم وإيه هو الاستثمار الافضل ليك.. شوف حضرتك الاستثمار في الدهب مضمون ودا لأنه ملاذ آمن وقيمته بتزيد مع الايام وزي ماقالو زمان عمر الدهب مابيخسر بس مشكلته إنك هتضطر تستني على الاقل من 3 الى 5 سنين عشان تقدر تبيع وتحصل على مكسب محترم وجايز في خلال المدة دي تحتاج فلوس أو تتزنق ووارد انك تبيع الدهب اللي معاك أي نعم مش هتخسر فيه لكن بردو مش هتكسب كتير.
كمان العقارات استثمار كويس لكن في نفس الوقت مرهق جدا وبيخضع لتقلبات السوق وبيحتاج فترة بردو قبل ما تبيع .. أما بخصوص شهادات الادخار والودايع فتعتبر اكتر استثمار مضمون وآمن كمان لأنه البنك المركزي اللي بيضمنه لأن كل اللي عليه بتحط وديعة في البنك وبعدين بتاخد منها فوايد ثابنة ومعروفة لمدة معينية وفلوسك محفوظة ونفس القصة في شهادات الادخار بتشتري الشهادة وتصرف فوايدها وبعد انتهاء المدة بتاخد فلوسك لكن بردو مشكلة الودايع والشهادات إن بعد فترة بتكتشف إن التضخم أكل جزء من فلوسك بمعني لما الاسعار تزيد قيمة فلوسك بتقل أو القوة الشرائية بتاعتها..
طيب ايه أفضل وسيلة تشغل بيها الفلوس ومن غير ما تخسر؟
شوف حضرتك كل رجال الاعمال بينصحوا بالاستثمار في أي مشرواعات تجارية أو خدمية لانها بتضمن تشغل فلوسك على مدار الشهر والسنة وتاخد منها ارباح وكمان بتوسع في السوق وفي نفس الوقت بتشرف على فلوسك وتدورها بنفسك من غير وسيط وكمان فرص ارباحها بتزيد مع توسع نشاطك في المشروع.. القصد إن فلوسك طول ماهي شغالة قدام عينيك هتزيد ودورة الربح بتاعتها هتكون أسرع وعشان كده ناس كتير اتجهت إنها تعمل مشروعات خاصة بيها ونجحت وضاعفت راس المال ومكسبها زاد في نفس الوقت وفلوسها تحت ايديها وتقدر تحركها في استثمار.. وفي النهاية القرار لحضرتك