دهب ولا عقار ولا بورصة؟ .. اعرف أفضل طريقة لاستثمار فلوسك "تحويشة العمر"

لو معاك فلوس وعايز تستثمرها، يا ترى إيه أفضل طريقة ممكن تحافظ  بيها على فلوسك.. هل الأفضل هو الدهب ولا العقارات ولا البورصة ولا شهادات الادخار أو الاستثمار.. هنقولك كل التفاصيل في التقريرالتالي  ده. 
 

ناس كتير بتدور على وسيلة عشان تحافظ بيها على "تحويسة العمر"، وبتبدأ تفكر في طريقة تقدر من خلالها ماتضعيش الفلوس وفي نفس الوقت تزودها وده بيطلق عليه مسمى "الاستثمار". 
 

حضرتك ممكن تستثمر فلوسك في حاجات كتيرة جدا، ومنها أسهم البورصة، وده عبارة عن إن بيبقى معاك مبلغ صغير أو كبير بتحطه في أسهم معينة بس تكون بتكسب، وتبدأ الأسهم تحقق  عائدات وأرباح غير متوقعة على المدى القريب، وكمان بتبقى مربحة جدا في الغالب على المدى البعيد.

لكن، خليك حريص واستعين بخبير مختص وثقة عشان تقدر تختار الأسهم الكسبانة، وماتضعش فلوسك.

ثاني حاجة هي الاستثمار في الدهب، واللي طبعا معروف عنه أنه الملاذ الآمن للإدخار والاستثمار، أو الاستثمار المضمون واللي أغلب الشعب المصري لو عايز يعين فلوسه بيجري على الدهب.

حضرتك ممكن تشتري دهب بالفلوس اللي معاك، وبعد سنة واحدة هتلاقي قيمته زادت بنسبة تزيد عن 50% كحد أدنى، وممكن يكون أكتر لو من دلوقتي لأن السوق مش مستقر والأسعار كل شوية في الطالع.

تالت حاجة هي، الاستثمار في العقارات، واللي ببعتبر استثمار آمن دلوقتي نظرًا للاستقرار النسبي في أسعار العقارات في مصر، وكمان بيصنف بأنه  أنجح استثمار نظرًا لتوفير نحو ما يقرب من 3 ملايين وحدة سكنية مقامة حديثًا في مصر في مختلف المحافظات، وزيادة الطلب عليه سنويا، وكمان يوجد طلب عليه في حدود 600 ألف وحدة سكنية سنويا.

لكنه الاستثمار في العقار بيعتبر طويل الأجل، يعني من الصعب التخلص منه بسهولة وبيحتاج لفترة طويلة من 3 إلى 5 سنوات عشان تحقق أرباح تفوق ادخار الأموال في الحسابات البنكية أو عن شهادات الاستثمار وغيرها.

رابع حاجة هي الاستثمار في الشهادات والودئع البنكية، وبيعتبر بردو طريقة الاستثمار الأكثر أمانا وبمعدل مخاطر صفر، وبتحقق عائد سنوي بيبدأ من 27%؜ لحد 23.5%؜.

ومن مزايا هذا النوع من الاستثمار، هو أنه بيصرف شهريا في أغلب البنوك.. كمان الطريقة دي معروف عنها أنها استثمار آمن ويميل له أصحاب المعاشات والأسر اللي بتحتاج عوائد شهرية وليس لديها القدرة أو الخبرة في الاستثمار في الأنواع الأخرى.

وفي النهاية.. لو معاك فلوسك، هتختار تستثمرها في إيه؟