هو فعلا الدولار ممكن يوصل لـ 10 جنيه؟.. هنقولك الحقيقة كاملة

هو الدولار فعلا ممكن سعره ينزلويبقا ب 10 جنيه زي زمان ؟ وهل كلام وزير الصناعة ونائب رئيس الوزراء كامل الوزير عن انخفاض قيمة العملة الأمريكية ممكن يتحقق؟ وازاى مصرممكن تتخلص من أزمة شح الدولار بشكل نهائي؟

من امبارح والدنيا حرفيا مقلوبة بعد تصريحات لنائب رئيس الوزراء كامل الوزير قال فيها ان سعر الدولار فى مصر ممكن يبقا 10 جنيه والناس منقسمة فريق فريق شايف ان كلام كامل الوزيرخيالي واستحالة يحصل وان الدولار اللى وصل 70 جنيه فترة من الفترات استحالة ينهار سعره ويوصل الى 10 جنيه.. وناس تانية بتحتفى بالتصريح وشايفة ان مصر قدامها فرصة تاريخية انها تخلص من موضوع أزمة نقص العملة.

بس يا ترى بعيد عن المؤيدين والمعارضين هل كلام كامل الوزير ممكن يتحقق فعلا؟

قبل ما نجاوب على السؤال ده لازم نعرف بالظبط هو كامل الوزير قال ايه بالظبط عشان نحدد هل اللى قالوا ممكن يحصل فعلا ولا لأ.

كامل الوزيرظهر فى برنامج تلفزيونى كان بيتكلم فيه عن رؤسة الدولة لملف الصناعة الفترة الجاية وقال انه عنده توجيهات وتعليمات مشددة من الرئيس السيسي في التوسع بالصناعة، لأنها مستقبل مصر
ولما اتسأل عن أزمة شح العملة ونقص الدولار وسعره اللي وصل لمستويات قياسية رد وقال :"من خلال التنمية الصناعية ودعم القطاع الصناعي إحنا هنوفر الدولار، وبدل ما يبقى بـ50 جنيه ممكن ينزل لـ25 جنيه، ولو اجتهدنا أكتر وصنعنا ممكن يبقى الدولار بـ 10 جنيه".

كامل الوزير قال كلام مهم جدا عن الفرصة اللى بتملكها مصر حاليا للانطلاق في الصناعة والتصدير تحديدا من بعد تخفيضقيمة الجنيه وقال بالحرف:"تخفيض قيمة الجنيه في الفترة الحالية يعطيني كمصنع ووزارة صناعة ومستثمرين أفضلية، والكلام ده قالهولي كتير من المصنعين والمستثمرين اللى أكدوا أن انخفاض سعر الجنيه أمام الدولار فرصة كبيرة لتشجيع الصناعة ومن بعدها تقوية الجنيه أمام الدولار وان ده هينعكس مستقبلا على حياة المواطن لما نصدرللخارج وندخل للبلد عملة صعبة هتساهم فى نزول سعر الدولار فى البنوك وشركات الصرافة".

وهل ده فعلا ممكن يحصل؟

الاجابة من غير لف ودوران آه ممكن يحصل وخد بالك كامل الوزير ما قالش حاجة غريبة ولا بيتكلم فى أحلام لأن أزمة مصر ان واردتها أعلى بكتير من صادراتها وده اللى عامل الفجوة الكبيرة اللى بتخلى فيه طلب كبير على الدولار لاستيراد الاحتياجات الرئيسية فلما يحصل تصنيع ونصدر للخارج بكميات كبيرة الفجوة هتقل والدولار هيتوفر بكميات كبيرة من عمليات التصدير وده هيقلل الضغط على الدولار وهيزود المعروضمن العملة الأمريكية ووفقا لقوانين العرض والطلب ده هيؤدي الى انهيار سعر الدولار

بس خد بالك ده مشك لام سهل ولا ممكن يتحقق بين يوم وليلة ده مشروع لازم البلد كلها تتبناه والدولة توفر المناخ الصح للاستثمار وتعديحوافز للمصنعين اللى هيوفروا ملايين فرص العمل وهيوطنوا كتير من الصناعات اللى بنستوردها يعنى تشغيل وتدفقات دولارية هتساعد مصر تتخلص من كابوس الاستدانة من الخارج وهتخلينا نقدر نسدد الديون اللى علينا بقالها سنين طويلة.