إزاي تحقق ثروة من موبايلك وانت في بيتكم

ازاي تكسب فلوس من موبايلك وانت قاعد بتشرب شاي وإيه انواع المكسب اللي ممكن تحققه من تطبيقات الموبابل الل في ايدك وإزاي تعمل ثروة من غير ما تتعب نفسك.. في التقرير  ده هنقولك على كل التفاصيل

طرق كسب المال كل يوم بتتطور وفيه ناس بتكسب ملايين في الشهر من غير ما تعمل جهد بدني لكن كل المطلوب شوية ذكاء ودراية بخفايا تطبيقات الموبايل والسوشيال ميديا وتقديم المحتوى التجاري واللي ممكن من خلاله تحقق ربح كبير عن طريق تكنولوجيا التطبيقات او الابلكيشن.
طيب ايه هي البرامج او التطبيقات اللي ممكن تكسب منها على الموبايل؟
فيه أكتر من طريقة وهنشرحلك كل واحدة بالتفصيل والبداية أفضل وأسهل طرق الربح من التطبيقات بصورة مضمونة هي في المجمل إعلانات جوجل، وإعلانات ممولة وشراء خدمات داخل التطبيق واشتراك مقابل إستخدام التطبيق وكمان عن طريق والحصول على عمولة من مقدم الخدمة أو من البايع ومن تحقيق أهداف بيعية وأخيرا ممكن تكسب الفلوس من برامج التطوير الاداري وتوفير الوقت والأفراد.
اول حاجة اعلانات جوجل ودي بداختها وبتنزل في حسابك لو عملت محتوى مرئي او بوست وحقق نسب مشاهدات عالية هنا بينزلك فلوس بالدولار كمان لو عملت تطبيق يساعد الناس على انجاز اعمالهم أو قدمت من خلاله خدمة جديدة لعدد أو فئات من الناس واستفادوا منه هنا بتاخد على التطبيق ده فلوس كتير جدا زي مثلا تطبيقات توصيل الاكل أو زي تطبيق أوبر أو اي تطبيق تعليمي أو خدمي او من ناحية حد يشتري منك خدمة في التطبيق بتاعك وهنا ارباحك بتزيد بردوا بشكل كبير كل ما التطبيق انتشر اكتر كمان ممكن تكسب من اشتراكات الغير في التطبيق بتاعك نظير مبلغ كبير كل فترة ودا مكسب دايم يعتبر زي ما بتبيع سلعة كده بالقسط.
ومن أشهر عمليات الربح في التطبيقات الالكترونية على الموبايل هي التسويق الالكتروني وتقدر منها تكسب وتعمل مشروع كبير كمان زي اي حد بيسوق لسلعة أو مجموعة سلع أو التسويق لخدمات جديدة كمان تقدر تاخد عمولة من برامج البيع والشراء على التطبيق بتاعك أو الخدمة اللي انت عاملها يعني زي السمسار اللي بياخد عمولة من البايع والمشتري