الثلاثاء 18 يونيو 2024
رئيس التحرير
عمرو عامر
المشرف العام
عبدالعظيم حشيش
اقتصاد مصر

الصيني نزل الأرض.. شوف الجديد في سوق السيارات

السبت 08/يونيو/2024 - 04:01 ص
اسعار السيارات
اسعار السيارات



بتفكر تشتري عربية ومستني السوق ينزل شوية.. حضر فلوسك هنقولك على موديلات زيرو باسعار زمام في السوق.

ناس كتير بتابع أسعار السيارات سواء زيرو أو مستعمل ومستنية الأسعار تنزل أكتر مع زيادة المعروض في السوق بعد أزمة 2023 واللي كانت ضربة قاضية للسوق واللي بيحاول يسترد أنفاسه ويرجع من تاني.
كل التوقعات بتقول إن اسعار السيارات لسه هتنزل خلال النص التاني من 2024 وده لأسباب كتيرة جدا منها زيادة المعروض زي ما قلنا مقابل حالة الطلب الكبير اللي كان موجود بسبب شح السيارات في  سنة الدولار الصعبة وكمان استقرار سعر العملة الأمريكية وانتهاء السوق السودا والمضاربة على الدولار كان سبب رئيسي في عودة استيراد السيارات وقطع الغيار في الفترة الجاية.
طيب امتي تشتري سيارة رخصية؟
الأفضل ليك وزي ما بيقول خبراء السوق إنك تصبر شوية عشان الأسعار مفترض تنزل أكتر وكمان يكون الطلب قل على السيارات لكن لو عاوز تشتري دلوقتي بانكير هيقولك على ارخص سيارات زيرو وصيني في السوق.
أول سيارة معانا هي  شيري تيجو 4 pro الصينية بتلات فئات من التجهيزات  بالسوق المصرية بأسعار رسمية تبدأ من 850.000 جنيه للفئة  Comfort، و925.000 جنيه للفئة  Luxury، و999.000 جنيه للفئة Turbo..

كمان فيه السيارة  U70 p برو بلس الجديدة في السوق بسعر 900’999 جنيه ،  أما طراز  VGV U70 Pro Plus  فيبدأ من مليون و 900’79 ألف جنيه للفئة الأولى، والفئة التانية بسعر مليون و 900’149 ألف جنيه.
وفيه كمان السيارة بي واي دي الصينية المقدمة من الشركة بالسوق المصرية يبدأ سعرها من 590 ألف وحتي 680 ألف جنيه.

ولو لسه مصر تشتري ننصحك تاخد السيارة شيري أريزو  بسعر 630 ألف جنيه لأول فئة و 810 ألف جنيه لأعلي فئة، تلتها السيارة شيري تيجو3 بسعر 855 ألف جنيه وشيري تيجو 7 بسعر 950 ألف جنيه. وفيه كمان السيارة جيلي Gx3 pro بسعر 860 ألف جنيه من خلال وكيلها المعتمد  .


وبالنسبة لأسعار السيارى إم جي 5 موديل 2024 ، فسجلت الفئة الأولى قبل التخفيض مليون جنيه وبعد التخفيض 830 ألف جنيه والفئة التانية سجلت قبل التخفيض مليون و100 ألف جنيه بعد التخفيض بتتباع دلوقتي بـ 900 ألف جنيه.

أما ماركة جاك الصينية من خلال وكيلها في السوق المصرية فخفضت أسعار أغلب موديلاتها .. وخفضت مثلا سعر السيارة جاك JS3  موديل 2024 بحوالي 86 ألف جنيه، وبلغ سعرها  مليون و18 ألف جنيه بدل من مليون و140 ألف جنيه

وشمل الانخفاض كمان السيارة جاك JS2 بقيمة 170 ألف جنيه، وبلغ سعرها دلوقتي 849،900 جنيه بدل من 1.019.900 جنيه.