100 مليار دولار جاية لمصر..اعرف هنحققهم إزاي؟

المنتج الزراعي المصري معروف من زمان أنه الأول عالميا والبريمو، ولو دخل في منافسة مع اي منتج تاني هيكسب، وده خلي في طلب عالمي كبير علينا لاستيرادا الحاصلات الزراعية.. يا تري فاتورة التصدير الزارعي لمصر وصلت لكام.. ومصر مستهدفة تحقيق كام مليون تصدير من قطاع الزراعة
 

التوجيهات الرئاسية لحكومة الدكتور مصطفي مدبولي رئيس مجلس الوزراء كانت واضحة من البداية في بداية الفترة الرئاسية الجديدة بتعظيم فاتورة الصادرات بمختلف انواعها وتقليل فاتورة الاستيرراد، وتششجيع المنتج المحلي وتشجيع الصناعة المحلية علشان تغطي احتياجات السوق المصري ويكون عننا فائض للتصدير يدخل لنا دولار من الخارج، وده فعلا اللي الحكومة بتعمله في كل المجالات وكل يوم بيكون عندنا حاجة جديدة وهدف جديد شغالين عليه في التصدير.
وزي ما احنا عارفين ان قطاع الزراعة واحد من اهم القطاعات اللي عليها طلب عالمي كبير، خصوصا ان المنتجات الزراعية المصرية جودتها معروفة في كل دول العالم، واي حد في اي مكان لو بشتري ويعرف أنه بيشتري منتج مصري بيكون عنده ثقة فيه لانه عارف ان المصرييين متميزين في اغلب القطاعات وخصوصا الزراعة وده ببساطة لأنها مهنة اجدادهم من الاف السنين وقامت عليها حضارة من اعظم الحضارات وهي الحضارة الفرعونية القديمة.
من هنا.. مصر كل يوم بيجلي لها عملاء جداد من كل دول العالم علشان يوقعوا اتفافيات لاستيراد منتجات زراعية جديدة، والمرة دي كانت من لبنان، ووزير الزراعة عنه عنده لقاء مع نظيره اللبناني للتعاقد علي استيراد منتجات زراعية جديدة زي البصل والثوم المانجو والبطاطس وغيرها من المنتجات الزراعية اللي مصر بتصدرها لاغلب دول العالم وخصوصا الدول العربية غير غير فسايل النخيل خصوصا بعد الثورة اللي عملتها مصر في تطوير انواع النحيل وتطوير انتاجها وبقي عندنا انواع متعددة من التمور اللي بقت بتميز مصر عن كل دول العالم.
طيب اية هيا المنتجات المصرية اللي مصر بتصدرها وعليها اقبال كبير من اغلب دول العالم.؟.
مصر عندها قائمة طويلة من المنتجات والحاصلات الزراعية اللي بتصدرها لاغلب دول العالم، وخصوصا الموالح زي البرتقال والليمون ده غير البصل والثوم والمانجو بانواعها واللي عليها اقبال كبير جدا من اغلب الدول العربية لشرائها ده غير البطاطس والفراولة وغيرها من المنتجات المصرية اللي دخلت اغلب الاسواق العالمية.
وعلشان نكون عارفين كمان ان الجهود والخطوات اللي قامت بيها مصر علي مدار الشهور اللي فاتت في تذليل وانهاء المشاكل اللي كانت بتقابل الصادرات المصرية في النفاذ لاغلب الاسواق العالمية كان لها عامل السحر في دخول الصادرات الزراعية المصرية لاغلب الاسوقا العالمية، وخصوصا في مجال الجمارك والافراج الجمركي، خصوصا ان اغلب المنتجات الزراعية سريعة التلف، يعني لازم اجراءات سفرها تكون سريعة قبل ما تتعرض للتلف، وبعد الخطوات دي مصر حاليا بتستهدف تحقيق 100 مليار دولار كصادرات زراعية، وحاليا الدولة بدأت تعظيم شغلها في المنتحات اللي عليها طلب عالمي بالدولار علشان تكون رافد جديد للدخل الدولاري للخزينة المصرية .