الثلاثاء 25 يونيو 2024
رئيس التحرير
عمرو عامر
المشرف العام
عبدالعظيم حشيش
منتجات وخدمات

موظف قطاع خاص ونفسك تعمل مشروع عمرك.. بنك القاهرة هيديك 2 مليون جنيه

الثلاثاء 28/مايو/2024 - 03:41 ص
بنك القاهرة
بنك القاهرة

 
 
موظف قطاع خاص ومش معاك ضامن ومرتبك مش ثابت ونفسك تعمل مشروع حياتك وتأمن مستقبل أولادك بس ممعكش تمويل ومحتاج راس مال كبير وتسددده براحتك.. بانكير هيقولك تروح فين وتعمل إيه.. تابع الفيديو ده للآخر.


 
بنوك كتير بتقدم خدمات تمويل للموظفين في القطاع الخاص وبتسهيلات كبيرة كمان منها بنك القاهرة الحكومي واللي بيقدملك مجموعة متنوعة من برامج التمويل، بما فيها القرض الشخصي حتى لو كنت موظف قطاع خاص وبقرض  بيوصل إلى  2 مليون جنيه، وهو الحد الأقصى لمبلغ القرض.

وحسب جدول برامج التمويل لشهر مايو 2024، بيشترط البنك الا يقل الحد الأدنى لعمر المقترض 21 سنة والحد الأقصى لعمر المقترض عند نهاية مدة القرض 60 سنة وتشمل البرامج خيارات زي تحويل المرتب أو تحويل القسط أو كشف الرواتب.

وبالنسبة لتفاصيل القرض الشخصي لموظفي القطاع الخاص، فيبلغ الحد الأدنى لمبلغ القرض 5 آلاف جنيه، لغاية 2 مليون جنيه ويمكن  توصل مدة القرض إلى 7 سنين، وتبدأ أسعار الفايدة من 27% متناقصة، وفقًا للموقع الرسمي لبنك القاهرة.

أما بالنسبة للوثائق المطلوبة للحصول على قرض بنك القاهرة، فهيكون مطلوب منك تقدم

بطاقة الرقم القومي سارية المفعول.

- فاتورة المرافق لآخر 3 أشهر.

- خطاب من إدارة الموارد البشرية.

- بيان بالحالة الوظيفية.

- إقرار بتعهد صاحب العميل بتحويل راتب المقترض.
وزي ما انت شايف الإجراءات بسيطة وسهلة وبعيدة عن الروتين بس اهم حاجة تكون عارف هتصرف القرض في ايه عشان تلحق تسدد الأقساط من أرباح المشروع اللي هتحط فيه فلوس القرض وضروري جدا تنظم نفسك وتشتغل بسرعة في النشاط اللي انت اخترته عشان تقدر تستفاد بسرعة من قيمة القرض وعشان كده لازم تكون مرتب امورك قبل ما تقدم على القرض وعارف هتشغله في ايه عشان الوقت ما يجريش منك وكمان ضروري تحافظ على سداد أقساط القرض في معاده عشان مايتراكمش عليك وتدخل في مشاكل قانونية مع البنك.
كمان بانكير بيقدملك نصيحه وهي انك مش لازم تاخد الحد الأقصى من القرض وكفاية تاخد اللي يكفي مشروعك عشان الاقساط تكون خفيفة عليك ومايحصلش تعثر في السداد وفي نفس الوقت ما يكونش فيه ضغط نفسي عليك وتستفاد من التمويل