الثلاثاء 18 يونيو 2024
رئيس التحرير
عمرو عامر
المشرف العام
عبدالعظيم حشيش
تحليل

مصر تهزم اليونان وتركيا وقبرص.. إيه اللي بيحصل في الساحل الشمالي

الأربعاء 22/مايو/2024 - 02:21 ص
الساحل الشمالي
الساحل الشمالي



هو ايه اللي بتعمله الدولة في الساحل الشمالي وليه فيه حالة قلق في الأسواق اللي حولينا من الطفرة اللي بتحصل في منطقة الساحل وليه أنظار الشركات السياحية والعقارية العالمية والأوربية تحديدا عينها على اللي بيحص في المنطقة دي في مصر على وجه الخصوص.. تعالوا نشوف ايه الحكاية في الفيديو ده.



في الأسواق الدولية فيه دايما حالة منافسة شرسة بين الدول في كل قطاع مثلا في قطاع السياحة دايما هتلاقي صراع ساخن بين السوق الفرنسي والاسباني والتركي والخليجي والمصري وتايلاند والمالديف لجذب اكبر عدد ممكن من ازوار والسياح وفي الصراع ده الشركات والاسواق بتقدم تسهيلات واغراءات كتيرة عشان تتفوق على غيرها من الأسواق المنافسة.
وفي السوق العقاري والترفيهي مصر كانت بعيدة شوية عن الملف ده لغاية ما بدأت الطفرة الكبيرة تحصل في منطقة الساحل الشمالي واللي هيتحول لعاصمة الترفية والتجارة والسياحة وبرندات الشركات العالمية في كل التخصصات دي والحقيقة رغم إن الساحل الشمالي في مصر كان معروف إن منطقة ترفيهية لكن مكنش معروف على المستوى العالمي لغاية مصر ما عملت مدينة العلمين الجديدة وعملت أو موسم تسوق وسياحة ومن هنا الأسواق الدولية المنافسة خاصة في تركيا واليونان وقبرص والامارات كمان بدأت تقلق جدا لان الساحل الشمالي خلاص هيحسب السجادة من كل الأسواق دي وخاصة بعد الطفرة الرهيبة اللي هتحصل هناك بعد انتهاء مشروع راس الحكمة الضخم والمشروع الصيني الكبير واللي لسه هنعرف التفاصيل بتاعته بجانب باقي المشروعات في الساحل الشمالي واكتمال العلمين جديدة
التوقعات كلها بتقول إن العلمين الجديدة وبعدها مشروع راس الحكمة هيحول الساحل الشمالي في مصر لأقوى وأكبر سوق سياحي وترفيهي وتجاري في حوض البحر المتوسط وإنها هتكون عاصمة التجار والترفيه والمليارات وبالفعل بدأت المنافسة بين شركات الفنادق العالمية والمنتجعات والمطاعم الدولية للحصول على موطيء قدم في الساحل الشمالي المصري واللي هتكون محور سياحة السفر والترحال والتسوق في المنطقة كلها في الكام سنة اللي جايين.
جمعية رجال الأعمال المصريين، توقعت زي ماقلنا إن الساحل الشمالي هيتكون محور في ملف تاني هو تصدير العقار واللي هتحقق إيرادات تفوق اللي بتجمعها دبي ومدن تانية مشهورة في الأسواق اللي حولينا وعشان ده يتحثث طالبت الجمعية إن ملف تصدير العقار لازم يكون مسؤولية الدولة ومش شركات القطاع الخاص بس لأن الحكومة هي اللي هتقدر تحل أي مشكلات خاصة بتصدير العقار زي مثلا أزمة التسجيل العقاري وفي نفس الوقت منح التسهيلات لشركات التطوير العقاري للاستفادة بامكانيات الشركات المصرية المتخصصة في إنشاء العقار الفاخر والمطلوب دوليا وتوقعت الجمعية كمان زيادة إقبال المصريين في الخارج والعرب على الساحل الشمالي خاصة بعد توقيع صفقة رأس الحكمة، وتنوع المشروعات والشركات هناك.