هتقبض بالريال.. فرص عمل جديدة للخريجين المصريين بالسعودية

في الوقت الحالي حلم الحصول علي وظيفة بقت حاجة صعبة جدا خصوصا ان اغلب شركات وهيئات ووزارات القطاع العام مكتفية بالعدد اللي عندها والتعيين الجديد غالبا بيكون بنظام التعاقد وبيكون علي قد الحاجة.. لكن انا دلوقتي هقول علي دولة خارجية محتاجة خريجيين مصريين ويكون القبض بتاعك بالعملات الأجنية وبرواتب عمرك ما هتتوقعها، وكمان هقولك تقدم عليها ازاي.. لو عايز تعرف كل ده شوف اقرا التقرير  ده للأخر
 

اغلبنا قعد سنين وايام يحلم باليوم اللي هيتخرج فيه لاويخلص من هم المذاكرة والقطعة علي الكتاب بالساعات علشان يعرف يلم المادة كويس قبل ما يدخل الامتحان وكمان علشان يعرف يجيب تقدير كويس في النتيجة النهائية تكون دافع له في التقديم علي الوظايف المختلفة سواء في القطاع العام أو الخاص .
في ناس كتيرة منا بيلعب الزهر معاهم وبيعرف يتعلق باي وظيفة في القطاع الخاص، ومع السنين بيكون له مكانة في شغله، وولكن للاسف اغلبنا مش بيعرف يلاقي مكان في القطاعين العام أو الخاص، وبيكون المصير النهائي له اي حاجة مهنية يطلع منها بكام قرشين كل يوم، ويادوب بيعرف يلم ينفسه ويجوز ويعافر مع الحياة علشان يعمل اسرة وبيت، ولكن بيكون السفر للخارج حلم في دماغ كل واحد وكل وحد فينا بيحاول يحقق الحلم ده بطريقة معينة.
لكن انا دلوقتي هقولك علي طريق سهل وبسيط وكمان هتشتغل بشهادتك بدون ما تتبهدل في اي وظيفة وخلاص وكمان من طريق رسمي وتقدر من خلال تاخذ كل مستحقاتك لو حصلت لك مشكلة او لا قدر الله تعرضت لاي ظرف.
مؤخرا وزارة العمل اعلنت عن توفير فرص للعمل للمصريين في المجالات الطبية في المملكة العربية السعودية  واللي طلبت اطباء مصريي للأمراض الجلدية جراحات التجميل ده غير وظايف اطباء تقويم وعلاج الأسنان.
طي اية هيا الشروط والاجراءات اللي طلبتها السعودية في المتقدمين للحصول علي الوظايف؟.
السعودية أعلنت عن شوية شروط اجراءات في المتقدمين للوظايف الجددية وهيا أن يكون المتقدم معاه درجة الماجستير في التخصص المطلوب، وأن يكون معاه خبرة متقلش عن سنتين، وان يكون عمر المتقدم ميزدتش عن 47 عامًا، وان التقديم هيكون متاح للجنسين سواء البنات او الأولاد.
طيب اية الميزات اللي هيحصل عليها المتقدمين من التقدم للوظايف دي؟.
السعودية اعلنت كمان عن وراتب الوظايف الجديد وهيوصل الراتب لـ18 ألف ريال سعودي وهتعلي وفقا لمستوى الخبرة والكفاءة، ده غير العمولات والحوافز الاضافية وفقا لاداء والشغل اللي هيقدمه المتقدمين للوظايف، ده غير ان اصحاب العمل هيوفروا سكن ملائم ووسائل نقل مريحة للموظفين، وكمان هيحصل الموظفين على إجازة سنوية مدفوعة الأجر ده غير تذكرة سفر مجانية سنويًا.
طيب ازي المتقدمين يقدروا يقدموا ورقهم في الوظايف الجديدة اللي اعلنت عنها وزارة العمل للاطباء في السعودية؟.
وزارة العمل اعلنت عن بدء استقبال اوراق المتقدمين للحصول علي الوظايف الجديدة في السعودية لمدة 10 ايام خلال الفترة من 13 الي 23 من شهر مايو الجاري، والاوراق عبارة عن سيرة ذاتية للخبرات اللي بيتمتع بيها المتقدم للحصول علي الوظيفة، وجواز سفر ساري ونسخ من المؤهلات الدراسية وشهادات الخبرة، ويكون تقديم الأوراق دي في الإدارة العامة للتشغيل بوزارة العمل ولازم المتقدم للعمل يحضر شخصيا لتقديمها