تفاصيل الأحد الحاسم في العاصمة الإدارية.. مصير مدبولي.. وصندوق النقد يفرض شروط جديدة.. وسوق الدهب على كف عفريت

متابعينا الكرام في كل مكان أهلا وسهلا بكم وتحليل جديد لأهم التقارير اللي قدمتها وحدة أبحاث بانكير النهاردة السبت في الشأن الاقتصادي والمالي وأهم التوقعات والتحليلات

كالعادة بنبدأ مع حضراتكم بالتقرير الاهم وكان النهاردة عن مفاجأة السيسي الكبرى  اللي هيحصل فى العاصمة الادارية.

وقال التقرير إنه خلال ساعات هيعقد مجلس النواب أولى جلساته فى مبنى المجلس الجديد فى العاصمة الادارية الجديدة .. ودي تانى جلسة للمجلس هناك بعد جلسة تنصيب السيسي اللى ادى فيها اليمين رئيسا للبلاد لفترة جديدة.

وأوضح التقرير إنه بسبب كون الجلسة طارئة وما تمش الاعلان عن جدول أعمالها ولأنها فى نفس مكان تنصيب الرئيس ففى توقعات قوية بان جلسة بكره هتكون للاعلان عن التشكيل الوزاري الجديد وحركة المحجافظين المنتظرة وتصديق البرلمان عليهم .. عشان تبدأ مرحلة مهمة  فى الجمهورية الجديدة

وكشفت تقرير بانكير عن مفاجأة كبيرة جدا فيما يخص اسم رئيس الحكومة الجديد ورغم ان كل الناس بتتوقع رحيل الدكتور مصطفتى مدبولي واختيار اسم بديل الا ان المعلومات اللي عندنا بتقول ان فرص بقاء مدبولي قوية جدا خصوصا انه بيحظى برضا ودعم كبير من الرئيس السيسي.
وبخصوص باقي الوزراء فأكيد هيحصل تغيير في 
أكتر من وزارة مقدرتش تحققق المطلوب منها وابرزهم حسب التوقعات وزير التموين علي المصيلحي ووزير الزراعة وزراء البيئة والتعليم العالي وفيه كلام قوي كمان عن رحيل وزير التربية والتعليم ووزير التجارة والصناعة والإسكان وحقايب تانية بيتم الاستقرار على وزرائها الجدد.

ومن المعلومات المؤكدة ان التشكيل الوزاري الجديد هيضم خبرات كبيرة واسماء ليها تقل سياسي واقتصادي لان المرحلة الجاية صعبة.

منصات بانكير قدمت تقرير مختلف بخصوص بعض المطالب الجديدة لصندوق النقد الدولي من الحكومة المصرية.. 
وحسب التقرير والمعلومات فيه وفد رفيع المستوى من مصر بقيادة محمد معيط وزير المالية كان بيزور الولايات المتحدة للمشاركة اجتماعات صندوق النقد والبنك الدولى زحصلت مناقشات ومباحثات بين المسئولينن المصريين ومسئولي صندوق النقد اللى حددوا للحكومة المصرية 4 طلبات واضحة لضمان نجاح برنامج الاصلاح الاقتصادي اللى بتنفذه مصر بالتعاون مع الصندوق ومؤسسات تمويل دولية تانية

ولخص الصندوق مطالبه الأربعة في تقليل المخاطر اللي بتهدد الاقتصاد المصري وكمان تخفيض معدل التضخم العالي والتالت رفع مستوى الحماية الاجتماعية أما المطلب الرابع فكان خلق فرص عمل ومنح القطاع الخاص مساحات أكبر للمساهمة فى الناتج المحلي الاجمالي.
وحسب التقرير توقع صندوق النقد الدولي تراجع معدل التضخم في مصر بشكل تدريجي مع انحسار شح النقد الأجنبي في ظل ترسخ تشديد السياسة النقدية.. لكنه رجع  وقال في تقريره حول الآفاق الاقتصادية الإقليمية لمنطقة الشرق الأوسط ووسط آسيا، انه على الرغم من قيام الحكومة المصرية بتشديد السياسة النقدية في وقت سابق  لخفض التضخم الا انها ممكن تحتاج لمزيد من إجراءات التشديد.

وحدة أبحاث بانكير قدمت تقرير مهم النهاردة عن اللي بيحصل في منطقة وسط البلد ومصير المقرات القديمة للوزارات.

وشرح التقرير إن الحكومة اعتمدت خطة تطوير كبيرة لمنطقة وسط البلد وتحديدا فيما يتعلق بمقرات الوزارات والهيئات الحكومية اللى هيتم نقلها الى العاصمة الادارية الجديدة..
منطقة وسط البلد معروف إنها بتضم مباني مهمة زي مقر البرلمان ووزارات مهمة زي الصحة والتربية والتعليم والاسكان والتموين بالاضافة الى مقرات ادارية مهمة لهيئات ومؤسسات تم اصدار قرارات بنقلها الى العاصمة الادارية

وحسب التقريرتقلت الحكومة فى الساعات الأخيرة  عروض من 7 سلاسل فنادق عالمية لاستغلال المقار القديمة للوزارات في الوقت اللى بتقترب فيه من بيع حصة في محطات جبل الزيت والزعفرانة لمستثمر استراتيجي وفقا لتصريحات وزيرة التخطيط المصرية هالة السعيد على هامش اجتماعات الربيع لصندوق النقد والبنك الدوليين المنعقدة في واشنطن.

ووفقا للي اعلنته الوزيرة فالحكومة عندها مخطط كامل لمنطقة "وسط البلد" اللي بتضم الوزارات القديمة.. وهتفضل المباني مملوكة للدولة وهيتاح للشركات بس استغلالها في مشروعات تجارية.. تم فعلا مؤخرا  ترسية مجمع التحرير لصالح سلسلة فنادق "ماريوت" وكمان تم الاتفاق مع إحدى الجهات لاستغلال مبنى وزارة الداخلية القديم.

التقرير الأخير في تحليل النهاردة بخصوص أخر أخبار اسواق الدهب واللي بتعيش حال اضطراب وترقب بسبب تقلبات الأسعار والتوقعات العالمية بارتفاع كبير في أسعار المعدن الاصفر.
وعرص التقرير إن اخر بياانات في الاسواق العالمية بتقول إن أسعار الدهب رايحة ناحية الصعود المستمر ودا ظهر من الارتفاع للأسبوع الرابع على التوالي، وارتفع الدهب من بداية إبريل بنسبة 6.7% وبعدها ارتفاع آخر خلال مارس بنسبة 9.2%
وارتفع سعر الدهب الفوري لجولد بيليون ليتداول عند 2382 دولار للأونصة، وده بعد ارتفاع الطلب مطلع جلسة الجمعة ليسجل أعلى مستوى  عند 2417 دولارا للأونصة.
وعرض التقرير إنه حسب التوقعات في سعر الدهب الأسبوع اللي فات عند 2400 دولار للأونصة متوقع وصول الدهب إلى فوق  2431 دولارا للأونصة وهو أقصى رقم صعده الاسبوع اللي فات.

وكشف التقرير إن الزيادة الأخيرة في الأسعار بتقول إن الدهب هيواصل الصعود عالمياً وخاصة بعد هجمات الكيان على ايران صباح الجمعة وده معناه إن الصراعات مرشحة للتصعيد وزي ما احنا عارفين اي زيادة في أسعار الدهب عالميا بيسمع على طول في سوق الدهب المصري ولو فضل أسعاره تزيد عالميا فأكيد سعره هيزيد في مصر وده بخلاف عوامل تانية بتحدد أسعار المعدن الأصفر في مصر زي العرض والطلب واسعار الدولار والقرارات الاقتصادية ومع وجود توقعات أصلا بوصول الدهب عالميا ل3 آلاف دولار للأسباب اللي قلنا عليها وضيف عليها اقتراب الفدرالي الأمريكي بتخفيض أسعار الفائدة على الدولار فمتوقع إن أسعار الدهب في مصر ترفع بشكل كبير خلال الأيام والشهور الجاية.