الأربعاء 29 مايو 2024
رئيس التحرير
عمرو عامر
المشرف العام
عبدالعظيم حشيش
شمول مالي

أقل من 50 ألف جنيه.. أرخص 5 سيارات في سوق المستعمل

الثلاثاء 16/أبريل/2024 - 04:23 ص
السيارات
السيارات

 


لو متابع السوق وعاوز تشتري سيارة على قد الإيد ومش عارف تيجيب إيه.. بانكير هيرشحلك أرخص 5 عربيات في سوق المستعمل وبمواصفات معقولة وباقل من 50 ألف جنيه.. وكمان هيرشحلك أرخص سيارة زيرو في مصر وهيقولك على نصيحة غالية. كمل الفيديو للأخر وهتعرف.

لو لفيت في سوق المستعمل هتقابل في طريقك سيارة فيات بولونيز «1991 واللي بتعتبر من ضمن قائمة السيارات المستعملة الأرخص سعر في مصر دلوقتي واللي سعرها نزل بشكل كبير بعد انتهاء أزمة الدولار وهتلاقي سعرها بمتوسط  40 إلى 50 ألف جنيه.
كمان هتلاقي قدامك عربية فيات 128 موديل 1991 وهي من ضمن السيارات المستعملة الأرخص سعر برداو بمتوسط 43 ألف جنيه.

وفي عربية مميزة تالتية وهي سيتروين  AX موديل 95، واللي  سجل متوسط سعرها 47 ألف جنيه في سوق المستعمل.
العربية الرابعة معانا النهاردة هي  سيات ابيزا مودل92 ودي عربية قوية رغم قدم الموديل بتاعها وقوية وعيوبها قليلة جدا ومتوسط سعرها 46 ألف جنيه.

وأخيرا معانا عربية لادا 2105 وسنة التصنيع 1994، ضمن قائمة السيارات المستعملة الأقل في الفئة السعرية، وبيوصل متوسط سعرها إلى 47 ألف جنيه في السوق حاليا.
أما أرخص عربية زيرو في السوق دلوقتي فهي إم جي 5 السيدان العائلية ودي موديل 2024 وبتصنف زي ما قلنا كأرخص سيارة زيرو تقدمها العلامة الصينية بمصر، وهي نازلة بفئتين من التجهيزات بسعر رسمي يبدأ من 830 ألف جنيه خلال إبريل الجاري.
وبتبدأ أسعار إم جي 5 خلال الشهر الجاري من 830.000 جنيه للفئة الأولى، و 900.000 جنيه للفئة الثانية الأعلى تجهيزا، طبعا شاملة الامكانيات الحديثة كلها.
طيب سوق السيارات رايح على فين في الأيام الجاية.. خبراء تجارة السيارات بينصحوا اللي هيشتري عربية يصبر شوية شهرين تلاتة لأن سوق السيارات وقتها هيحصل فيه انفراجة كبيرة مع وصول الموديلات الجديدة والتعاقدات وانهاء اجراءات الشحن والتفريغ والتوزيع ولأن كمان هيكون السوق استوعب جزء كبير من الطلب القديم على شراء السيارات وكل ده في النهاية بيصب في صالح الزبون بعد ما الأسعار تنزل أكتر.