الثلاثاء 21 مايو 2024
رئيس التحرير
عمرو عامر
المشرف العام
عبدالعظيم حشيش
تحليل

معركة السيسي لتأمين رغيف العيش للمصريين.. شوف اللي بيحصل

الثلاثاء 09/أبريل/2024 - 11:30 م
الرئيس عبدالفتاح
الرئيس عبدالفتاح السيسي

 

 
تحقيق الاكتفاء الذاتى من القمح وتقليل استيراد الغذاء من الخارج طول عمره هدف استراتيجي للدولة المصرية علي مدار تاريخها، لكن الفترة الأخيرة في تحركات كبيرة بتحصل علي الارض لتقليل فاتورة مصر الاستيرادية خصوصا من الحبوب وأولها القمح... يا تري أية اللي الدولة بتعمله علشان تقلل وتصول لصفر استيراد من الحبوب وخصوصاً القمح وهنوصل للهدف ده امتي .
 
طلعنا قبل كده هنا في بانكير وقلنا لحضراتكم إن الفترة الرئاسية الجديدة هتكون مختلفة في كل حاجة وعلي كل المستويات، وتحقيق الأمن الغذائي المصري وتقليل ووقف استيراد الغذاء من الخارج في الوقت الحالي بقي هدف استراتيجي للدولة المصرية خوصاغان جزء كبير من فاتورة مصر الاستيرادية موجه لتأمين الغذاء.
طيب اية اللي بتعمله الحكومة لتأمين رغيف عيش المصريين في الفترة الرئاسية الجديدة ؟.
علشان نكون عارفين أن تأمين رغيف الخبز للمصريين مش هدف من النهاردة بس، لا ده من زمن الزمن إنما خطوات مصر للوصول للهدف ده ماكنتش زي ما هو مطلوب يعني كنت بشتغل علي سطر وتسيب سطرين، إنما مع بداية تأسيس الجمهورية الجديدة للرئيس عبدالفتاح السيسي والأمور اتغيرت تماماً وبقيا كل يوم عندنا مشروع زراعي استثماري لتأمين غذاء المصريين، ده غير البحوث الزراعية اللي بتحصل لزيادة إنتاجية الفدان وفعلا قدرنا نوصل لانتاجية مكناش بنشوفها ولا بنسمع عنها قبل كده خصوصاً في محصول القمح واللي بيعتبر اهم سلعة استراتيجية مصر بتستوردها من الخارج واللي للاسف مش ممكن نستغني عنها باي شكل من الأشكال لأن نقصها هيكون بمثابة تجويع المصريين.

طيب اية اللي عملته الحكومة علشان تأمن رغيف خبز المصريين ؟.
زي ما قولنا لحضراتكم إن تأمين رغيف الخبز هدف استراتيجي للدولة المصرية زيه زي الميه وغيرها من الاحتياجات الأساسية اللي مش ممكن اليوم يعدي من غيرهم، والشغل اللي عملته الدولة الفترة اللي فاتت نتائجه ظهرت حاليا وتعدت انتاجية فدان القمح  20 و 22 اردب بعد ما كان معدل الإنتاج للفدان لا يتعدي 12 اردب.
شغل الدولة لتأمين رغيف خبر المصريين موقفش علي زيادة إنتاجية الفدان بس، لا ده في شغل كمان بيحصل مع الفلاحين لتشجيع علي التوسع في زراعة المحاصيل الاستراتيجية واهمها القمح والذرة وتحديد مساحات للفلاحين تتزرع قمح بس، يعني مينفعش تتزرع غير كده علشان تأمين رغيف الخبر للمواطن المصري.
للأسف السنين اللي فاتت وبسبب تعدي كتير من الأهالي علي ارقعو الزراعية لمصر، دفع الدولة البحث عن مساحات بديلة للزراعة والتوسع في المساحات الموجودة حاليا وكانت البداية بإطلاق المشروع القومي لاستصلاح 1.5 مليون فدان وبناء مجتمعات عمرانية جديدة قائمة على الزراعة وتوفير فرص عمل للشباب مع تطوير البنية التحتية الزراعية وتوفير المياه اللازمة للري والرعاية الزراعية الملائمة للمحاصيل المزروعة.


الدعم الحكومي لقطاع الزراعة كمان تضمن تقديم التسهيلات للمزارعين والمستثمرين في القطاع الزراعي وتوفير التمويل المناسب والتدريب والتوجيه الفني لتحسين إدارة المزارع وتطبيق أفضل الممارسات الزراعية ،ده غير توفير الحماية للمزارعين من التهديدات البيئية والمرضية وتوفير المبيدات الزراعية والتطعيمات والمستلزمات وتعزيز زراعة المحاصيل المقاومة للجفاف وتحسين نظم الري الحديثة لتحقيق أقصى استفادة من الموارد المائية المحدودة.