السبت 25 مايو 2024
رئيس التحرير
عمرو عامر
المشرف العام
عبدالعظيم حشيش
تحليل

بعد اللي حصل نهاردة..هو الدهب ممكن يوصل 7 آلاف جنيه.. شوف بانكير قال إيه من شهور

الثلاثاء 02/أبريل/2024 - 01:21 ص
الذهب
الذهب



ايه اللي جاي في سوق الدهب وبعد اللي حصل النهاردة هل ممكن تتحقق النبؤءة اللي قلنا عليها ويوصل الجرام ل7 آلاف جنيه .. تعالو نشوف ايه الحكاية ونشوف بانكير قال إيه من شهور

 أسواق الدهب في العالم كانت عايشة في صدمة حقيقية بعد لزالارتفاعات القياسية في أسعار المعدن الأصفر عالميا واللي وصل
لمستويات غير مسبوقة بالبورصة العالمية حسب جولد بيليون.
ولو لاحظنا كويس هنلاقي إن سعر أونصة الدهب العالمي بتزيد دايما طول شهر مارس اللي شهد تسجيل أعلى مستوى تاريخي للدهب، وسط تزايد التوقعات بخفض أسعار الفايدة الأمريكية، إلى جانب تزايد الطلب على الملاذ الآمن وبالتالي الاقبال على الدهب بشكل كبير دفع السعر إلى مستويات قياسية.

والنهاردة كمان افتتح سعر أونصة الدهب العالمي تداولات شهر أبريل بتسجيل أعلى مستوى تاريخي جديد عند 2265 دولار للأونصة وزاد بنسبة 1% ليتداول في منتصف اليوم عند المستوى 2254 دولار للأونصة.
طيب وبعدين ليه الدهب بيزيد.. عامة احنا شرحنا ده كتير وقلنا إن الدهب ليه علاقة مباشرة بسعر الدولار وهما الاتنين عكس بعض ولو الدولار نزل يبقي الدهب هيطلع على طول ومع توقعات خفض الفداالي الفائدة على الدولار أسعار الدهب ولعت في العالم مع زيادة الطلب على الدهب لأنه ملاذ آمن من قرارات الفدرالي الأمريكي المتوقعة.
وفيه أسباب تانية لارتفاع اسعار الدهب وهي صدور بيانات تقرير الوظائف الأمريكية عن شهر فبراير اللي أظهرت ارتفاع في معدل البطالة في الولايات المتحدة بنسبة 3.9% بأعلى من التوقعات وده معناه زيادة توقعات الأسواق في قيام البنك الفيدرالي بخفض الفائدة خلال شهر يونيو لتصل احتمالات الأسواق إلى 75%. 
كل اللي قلناه ده مهم لكن الأهم اللي لسه هنقوله.. وهو مصير أسعار الدهب في مصر وهل فعلا ممكن يوصل الجرام 7 آلاف جنيه.. بنفكركم إننا من فترة قلنا هنا في بانكير ياجماعة الدهب داخل على ايام صعبة في 2024 وفيه توقعات كتيرة بتقول إن الأونصة هتوصل 3 الاف دولار وبحسبة كده وقتها قلنا إن بالجنيه المصرية ممكن الجرام عيار 21  هيوصل 7 الاف جنيه واللي حصل النهاردة بيقول إن أي توقعات ممكن تحصل وخلي بالك احنا كنا بنتكلم وقته وكان سعر الأونصة 1870 دولار ودلوقتي بقت 2256 دولار يعني الحكاية قربت.