225 ألف طن في الطريق للعالم.. العنب المصري يقتحم الأسواق الأوروبية بقوة
225 ألف طن عنب مصري في الطريق للأسواق العالمية.. ومصر بتوسع وجودها في أوروبا مستفيدة من ميزة مهمة جدًا.. وهي إنها بتصدر في وقت بيكون فيه المعروض الأوروبي أقل.
توقعات موسم 2026/2027 بتشير لارتفاع صادرات عنب المائدة المصري بنسبة 3%، لتصل لـ225 ألف طن، مقابل 220 ألف طن في الموسم السابق.
لمشاهدة الفيديو من هنا
والإنتاج المحلي كمان متوقع يرتفع لـ1.82 مليون طن، بدعم زيادة المساحات المحصودة والتوسع في زراعة الأصناف عالية الجودة.
لكن الأرقام الأهم جاية من الأسواق الخارجية.. صادرات العنب المصري لأكبر 10 أسواق استيراد سجلت نموًا بنحو 30% خلال الفترة من أكتوبر 2025 لحد يوليو 2026، مدفوعة بزيادة الشحنات لبريطانيا وألمانيا وسلوفينيا.
ومصر عندها ميزة تنافسية مهمة، وهي موسم التصدير المبكر من مايو لأغسطس، اللي بيسمح للعنب المصري ينافس في أوروبا قبل زيادة المعروض المحلي من دول زي إيطاليا وإسبانيا.
والأقوى كمان دخول خط شحن بحري جديد بين ميناء دمياط وميناء ترييستي الإيطالي، بيختصر رحلة وصول المنتجات الزراعية سريعة التلف لأوروبا لحوالي 3 أيام فقط.
ومع التوسع في الأصناف الجديدة وتحسين التعبئة والتغليف والرقابة على جودة المحصول، العنب المصري بيستهدف أسواق أوسع وحصة أكبر من تجارة الفاكهة العالمية.
