الإثنين 15 أبريل 2024
رئيس التحرير
عمرو عامر
المشرف العام
عبدالعظيم حشيش
تحليل

خبر سار للموظفين بكرة.. تعالوا نشوف مفاجآت الحكومة

الخميس 21/مارس/2024 - 08:01 ص
الدكتور مصطفى مدبولي
الدكتور مصطفى مدبولي رئيس مجلس الوزراء

 
هو الموظفين مستنيين ايه بكرة الخميس من الحكومة وايه المفاجأة السارة اللي في انتظارهم وايه هي باقيخ مفاجآت الحكومة الجديدة في الأيام الجاية.. خليك معانا للآخر وهتعرف التفاصيل

زي ما احنا عارفين إن بكرة الخميس ملايين المصريين الموظفين هقبضوا مرتبات مارس واللي هتبدأ من بكرة حسب جدول وزارة المالية ببدء الصرف للمرتبات إعتبار من الخميس21 مارس لكن مش ده المهم لكن الأهم أن الموظفين هييقبضوا بكرة مرتباتهم بالزيادة الجديدة اللي أقرها الرئيس السيسي لكل الموظفين وقراره برفع الحد الأدنى للأجور إلى 6 آلاف جنيه وزيادات مالية اكبر حسب الدرجة الوظيفية وده غير حزمة مساعدات اجتماعية تانية كبيرة منها زيادة المعاشات وتكافل وكرامة وزيادة الإعفاءات الضريبية وحاجات كتير.
يعني بداية من بكرة هتحط فيزا المرتبات في ماكينة البنك وهتلاقي زيادة محترمة في مرتبك حسب درجتك الوظيفية.. ودا بالنسبة لمفاجأة بكرة طيب ايه حكاية باقي المفاجآت اللي الحكومة بتحضرها للمصريين.. شوف حضرتك تقدر تقول إنها زيادة جديدة في المرتبات وكبيرة كمان لكن بشكل غير مباشر وعشان الكلام يبقي واضح ومن غير ألغاز الحكومة أعلنت إنه في حلال الأيام الجاية الناس هتحس بانخفاض كبير في الأسعار بكل السلع وإن الرئيس متابع الملف بنفسه وإن الدكتور مصطفى مدبولي قعد واجتمع مع التجار بنفسه عشان يعمل جدول زمني لخفض الأسعار لأن الناس لازم تشعر بتغيير بعد انخفاض سعر الدولار في البنوك والقضاء على السوق السوداء ومع التدفقات المالية الكبيرة اللي جت مصر.

واكيد اي انخفاض في الأسعار ده معناه إن قيمة مرتبك الشرائية بتزيد والحاجة اللي كنت بتشتريها ب500 جنيه مثلا هتجيبها ب300 جنيه وبكده كأن مرتبك زاد تاني حوالي 200 جنيه وهي بتتحسب كده لأن المواطن أو الموظف مش هيستفاد حاجة لما تزود مرتبه لكن الأسعار لسه غالية في الأسواق وبكده مهما كانت الزيادة في المرتبات فهي هتروح للتجار.